ଭାରତ-ପାକ ମୁକାବିଲା : ଆରମ୍ଭରୁ ଚମକିଲେ ବୁମରା, ପାଣ୍ଡ୍ୟା

ଦୁବାଇ : ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମଠାରେ ଖେଳାଯାଉଥିବା ଏସିଆ କପର ଭାରତ-ପାକିସ୍ତାନ ମୁକାବିଲାରେ ଆରମ୍ଭରୁ ରୋମାଂଚ ଦେଖିବାକୁ ମିଳିଛି । ଟସ ଜିତି ପ୍ରଥମେ ବ୍ୟାଟିଂ କରୁଥିବା ପାକିସ୍ତାନ ଆରମ୍ଭରୁ ୨ଟି ଓ୍ବିକେଟ ହରାଇ ବିପର୍ଯ୍ୟୟର ସମ୍ମୁଖୀନ ହୋଇଛି । ଭାରତ ପକ୍ଷରୁ ଯଶପ୍ରୀତ ବୁମରା ଓ ହାର୍ଦ୍ଦିକ ପାଣ୍ଡ୍ୟା ଆରମ୍ଭରୁ ହିଁ ପାକିସ୍ତାନକୁ ଚାପରେ ରଖିଛନ୍ତି ।

ଭାରତୀୟ ବୋଲର ହାର୍ଦ୍ଦିକ ପାଣ୍ଡ୍ୟା ମ୍ୟାଚର ପ୍ରଥମ ଓଭରରେ ହିଁ ସଇମ ଆୟୁବଙ୍କୁ ଖାତା ଖୋଲିବା ପୂର୍ବରୁ ଆଉଟ କରିଥିଲେ। ପାଣ୍ଡ୍ୟାଙ୍କ ବଲକୁ ଖେଳିବାକୁ ଯାଇ ଆୟୁବ ବୁମରାଙ୍କ ହାତରେ ଧରା ପଡ଼ିଥିଲେ । ସେହିପରି ୨ୟ ଓଭରରେ ବୁମରାଙ୍କ ବଲକୁ ଖେଳିବାକୁ ଯାଇ ମହମ୍ମଦ ହ୍ୟାରିସ ପାଣ୍ଡ୍ୟାଙ୍କ ହାତରେ ଧରାପଡ଼ିଥିଲେ । ସେ ମାତ୍ର ୩ ରନ କରିଥିଲେ । ଏହିପରିଭାବେ ମାତ୍ର ୬ ରନରେ ପାକିସ୍ତାନ ୨ଟି ଓ୍ବିକେଟ ହରାଇଥିଲା । ତେବେ ସାହିବଜାଦା ଫରହାନ ଓ ଫକର ଜମାନ ବ୍ୟାଟିଂ କରୁଛନ୍ତି ଓ ସର୍ବଶେଷ ସୂଚନା ଅନୁସାରେ ପାକିସ୍ତାନ ୪ ଓଭରରେ ୨ଟି ଓ୍ବିକେଟ ହରାଇ ୨୬ ରନ କରିଛି ।