ବ୍ରିଟେନ ବିରୋଧରେ ଭାରତର କଠୋର ଅଭିମୁଖ୍ୟ : ୨୦୨୨ ବର୍ମିଂହାମ ରାଜ୍ୟଗୋଷ୍ଠୀ କ୍ରୀଡ଼ାରୁ ଓହରିଲା ଭାରତୀୟ ହକି ଦଳ
ନୂଆଦିଲ୍ଲୀ : ବ୍ରିଟେନର ବିବାଦୀୟ କ୍ବାରାଣ୍ଟାଇନ ନିୟମକୁ ନେଇ ଆହୁରି କଠୋର ହୋଇଛି ଭାରତ । ବ୍ରିଟେନର ପକ୍ଷପାତ ନୀତିକୁ ବିରୋଧ କରି ଆସନ୍ତା ବର୍ଷ ବର୍ମିହାମରେ ହେବାକୁ ଥିବା ରାଜ୍ୟଗୋଷ୍ଠୀ କ୍ରୀଡ଼ାରୁ ଭାରତୀୟ ପୁରୁଷ ଓ ମହିଳା ହକି ଦଳ ଓହରି ଆସିଛି ।
Sambad is now on WhatsApp
Join and get latest news updates delivered to you via WhatsApp
ଏହି ନିଷ୍ପତ୍ତି ସମ୍ପର୍କରେ ହକି ଇଣ୍ଡିଆ ଅଧ୍ୟକ୍ଷ ଜ୍ଞାନେନ୍ଦ୍ରୋ ନିନଗୋମ୍ବନ ଭାରତୀୟ ଅଲମ୍ପିକ ସଂଘର ସଭାପତି ନରିନ୍ଦର ବାତ୍ରାଙ୍କୁ ଜଣାଇଦେଇଛନ୍ତି । ନିଜ ପତ୍ରରେ ସେ ଦର୍ଶାଇଛନ୍ତି ଯେ ବ୍ରିଟେନ କରୋନା ଦ୍ବାରା ସର୍ବାଧିକ ପ୍ରଭାବିତ ଦେଶ ମଧ୍ୟରୁ ଗୋଟିଏ ହୋଇଥିବାରୁ ସେଠାକୁ ଖେଳାଳୀଙ୍କୁ ପଠାଇବା ବିପଦ ପୂର୍ଣ୍ଣ ହେବ ।
ଏହାଛଡ଼ା ରାଜ୍ୟଗୋଷ୍ଠୀ କ୍ରୀଡା (ଜୁଲାଇ ୨୮-ଅଗଷ୍ଟ ୮, ୨୦୨୨) ତୁଳନାରେ ହାଂଝୁଠାରେ ହେବାକୁ ଥିବା ଏସୀୟ କ୍ରୀଡ଼ା ( ସେପ୍ଟେମ୍ବର ୧୦-୨୫) କୁ ଅଧିକ ଗୁରୁତ୍ବ ଦେବାକୁ ହକି ଇଣ୍ଡିଆ ନିଷ୍ପତ୍ତି ନେଇଛି । କାରଣ ଏସୀୟ କ୍ରୀଡ଼ା ହିଁ ୨୦୨୪ ପ୍ୟାରିସ ଅଲିମ୍ପିକ୍ସ ପାଇଁ ମହାଦେଶୀୟ କ୍ବାଲିଫିକେସନ ଇଭେଣ୍ଟ ଭାବେ ପରିଗଣିତ ହୋଇଥାଏ । ଏଣୁ ଏସୀୟ କ୍ରୀଡ଼ା ପୂର୍ବରୁ ହକି ଟିମର କୌଣସି ଖେଳାଳୀ କରୋନା ଆକ୍ରାନ୍ତ ହେବା ଦଳ ପାଇଁ ଶୁଭଙ୍କର ହେବ ନାହିଁ ବୋଲି ହକି ଇଣ୍ଡିଆ ମନେକରୁଛି ।