୨୦୨୧ ଟି-୨୦ ୱାର୍ଲଡ୍ କପ୍ ଆୟୋଜନ କରିବ ଭାରତ
ନୂଆଦିଲ୍ଲୀ: ବୋର୍ଡ ଅଫ୍ କଣ୍ଟ୍ରୋଲ୍ ଫର୍ କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ଆୟୋଜନ ଅଧିକାର ବଜାୟ ରଖିବାରୁ ଭାରତ ୨୦୨୧ ଟି-୨୦ ୱାର୍ଲଡ୍ କପ୍ ଟୁର୍ଣ୍ଣାମେଣ୍ଟ୍ ଆୟୋଜନ କରିବ। ୨୦୨୨ ଟୁର୍ଣ୍ଣାମେଣ୍ଟ୍ ଅଷ୍ଟ୍ରେଲିଆ ଆୟୋଜନ କରିବ ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ଦିନ ଇଣ୍ଟର୍ନ୍ୟାସ୍ନାଲ୍ କ୍ରିକେଟ୍ କାଉନ୍ସିଲ୍ ବୋର୍ଡ ଟେଲିକନ୍ଫରେନ୍ସ୍ରେ ବୈଠକ କରିବା ପରେ ଏହି ନିଷ୍ପତ୍ତି ଗ୍ରହଣ କରାଯାଇଛି।
ଅକ୍ଟୋବର-ନଭେମ୍ବରରେ ହେବାକୁ ଥିବା ଟି-୨୦ ୱାର୍ଲଡ୍ କପ୍ ଭାରତ ଆୟୋଜନ କରିବ। ଏହାର ଫାଇନାଲ୍ ଖେଳ ନଭେମ୍ବର ୧୪ରେ କରିବାକୁ ସ୍ଥିର ହୋଇଛି। ଅକ୍ଟୋବର-ନଭେମ୍ବରରେ ଅଷ୍ଟ୍ରେଲିଆ ଯେଉଁ ଟୁର୍ଣ୍ଣାମେଣ୍ଟ୍ ଆୟୋଜନ କରିବା ତାହାର ଫାଇନାଲ୍ ଖେଳ ନଭେମ୍ବର ୧୩ରେ ହେବ।
୨୦୨୩ ଅକ୍ଟୋବର ଓ ନଭେମ୍ବରରେ ୫୦ ଓଭର୍ ବିଶିଷ୍ଟ ୱାର୍ଲଡ୍ କପ୍ ଭାରତରେ ଆୟୋଜନ କରାଯିବ ଏବଂ ଏହାର ଫାଇନାଲ୍ ମ୍ୟାଚ୍ ନଭେମ୍ବର ୨୬ରେ ଅନୁଷ୍ଠିତ ହେବ।
କରୋନାଭାଇରସ୍ ମହାମାରୀ ଯୋଗୁଁ ଆଇସିସି ୨୦୨୨ ପର୍ଯ୍ୟନ୍ତ ମହିଳା ବିଶ୍ବ କପ୍ ବାତିଲ କରିଛି। ଫେବ୍ରୁଆରି ୬ ରୁ ମାର୍ଚ ୭ ତାରିଖ ମଧ୍ୟରେ ନିଉଜିଲାଣ୍ଡ୍ରେ ମହିଳା ବିଶ୍ବ କପ୍ ହେବାକୁ ସମୟ ନିର୍ଦ୍ଧାରିତ ହୋଇଥିଲା।