କଟକ: ବ୍ୟାଙ୍କକ୍ର ନାଖୋନ୍ ପାଥୋମ୍ ସିଟିରେ ଶେଷ ହୋଇଥିବା ୧୭ ବର୍ଷରୁ କମ୍ ଦକ୍ଷିଣ ପୂର୍ବ ଏସୀୟ ମହିଳା ଭଲିବଲ୍ ପ୍ରତିଯୋଗିତାର ବିଂଶତମ ସଂସ୍କରଣରେ ଭାରତ ଉପବିଜେତା ହୋଇଛି। ଫାଇନାଲ୍ରେ ଆୟୋଜକ ଥାଇଲାଣ୍ଡ୍ଠୁ ଭାରତ ୦-୩ ସେଟ୍ରେ ପରାସ୍ତ ହୋଇଥିଲା। ଏଥିପୂର୍ବରୁ ଲିଗ୍ରେ କାଜାଗସ୍ତାନକୁ ୩-୦, କ୍ୱାର୍ଟର ଫାଇନାଲ୍ରେ ନ୍ୟୁଜିଲାଣ୍ଡକୁ ୩-୨ରେ ଏବଂ ସେମି ଫାଇନାଲ୍ରେ ଅଷ୍ଟ୍ରେଲିଆକୁ ୩-୦ରେ ପରାସ୍ତ କରି ଫାଇନାଲ୍କୁ ଉନ୍ନୀତ ହୋଇଥିଲା। ଏହି ପ୍ରତିଯୋଗିତାରେ କାଜାଗସ୍ତାନ ତୃତୀୟ ସ୍ଥାନରେ ରହିଥିଲା। ଚଳିତ ବର୍ଷ ଚୀନ, ଜାପାନ ଓ କୋରିଆ ନୂଆ ଦଳ ଭାବେ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ଭାରତୀୟ ଦଳ ସହିତ ଓଡ଼ିଶା ଭଲିବଲ୍ ସଂଘର ସମ୍ପାଦକ ପ୍ରଦୀପ ମହାନ୍ତି ପ୍ରବନ୍ଧକ ଭାବେ କାର୍ଯ୍ୟ କରିଥିଲେ। ଭାରତୀୟ ଦଳର ଏହି ସଫଳତା ପାଇଁ ସେ ସମସ୍ତ ଖେଳାଳିମାନଙ୍କୁ ଶୁଭେଚ୍ଛା ଜଣାଇଛନ୍ତି।