ଭାରତ-ଶ୍ରୀଲଙ୍କା ଶୃଙ୍ଖଳା ଘୁଞ୍ଚିଲା; ୧୭ରୁ ଦିନିକିଆ, ୨୪ରୁ ଟି-୨୦
କଲମ୍ବୋ : ଜୁଲାଇ ୧୩ ତାରିଖରୁ ଆରମ୍ଭ ହେବାକୁ ଥିବା ଭାରତ-ଶ୍ରୀଲଙ୍କା ସୀମିତ ଓଭର ଶୃଙ୍ଖଳାକୁ କୋଭିଡ୍ ପରିସ୍ଥିତି ଲାଗି ୪ ଦିନ ଘୁଞ୍ଚାଇ ଦିଆଯାଇଛି। ଶ୍ରୀଲଙ୍କା ଶିବିରରେ କୋଭିଡ୍ ମାମଲା ଆସିବା କାରଣରୁ ଏଭଳି ପରିବର୍ତନର ଆବଶ୍ୟକତା ପଡ଼ିଛି। ଫଳରେ ଜୁଲାଇ ୧୩ ପରିବର୍ତେ ଜୁଲାଇ ୧୭ରୁ ଦିନିକିଆ ଶୃଙ୍ଖଳା ଏବଂ ଜୁଲାଇ ୨୧ ବଦଳରେ ଜୁଲାଇ ୨୪ରୁ ଟ୍ବେଣ୍ଟି-୨୦ ଶୃଙ୍ଖଳା ଖେଳାଯିବ। ଶ୍ରୀଲଙ୍କା କ୍ରିକେଟ୍ ଏ ସମ୍ପର୍କରେ ବିସିସିଆଇ ଏବଂ ପ୍ରସାରଣକାରୀ ସଂସ୍ଥାକୁ ଜଣାଇଦେଇଥିଲା। ବିସିସିଆଇ ଏଥିରେ ସହମତି ହେବାରୁ ପରିବର୍ତିତ ସୂଚୀ ଉପରେ ମୋହର ଲାଗିଛି।
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାରଠାରୁ ଶ୍ରୀଲଙ୍କା ଖେଳାଳିମାନେ ଜୈବ ବଳୟରେ ପ୍ରବେଶ କରିଥା’ନ୍ତେ। କିନ୍ତୁ ଦଳର ଦୁଇ ସଦସ୍ୟ ବ୍ୟାଟିଂ ପ୍ରଶିକ୍ଷକ ଗ୍ରାଣ୍ଟ୍ ଫ୍ଲାୱାର ଓ ଡାଟା ଆନାଲିଷ୍ଟ୍ ଜିଟି ନିରୋଶନ ପଜିଟିଭ ଆସିବାରୁ ସମସ୍ତଙ୍କୁ ଏକାନ୍ତବାସରେ ରଖାଯାଇଛି। ଅଧିକ ଦୁଇ ଦିନ ଏମାନେ ଏକାନ୍ତବାସରେ ରହିବା ପରେ ଆରଟି-ପିସିଆର୍ ଟେଷ୍ଟ୍ ନେଭେଟିଭ୍ ଆସିଲେ ଦଳ ସହ ଯୋଗଦେବେ। ଏବେ ଜୁଲାଇ ୧୭, ୧୯, ୨୧ରେ ଦିନିକିଆ ଏବଂ ଜୁଲାଇ ୨୪, ୨୫, ୨୭ରେ ଟ୍ବେଣ୍ଟି-୨୦ ଖେଳାଯିବାକୁ ଶ୍ରୀଲଙ୍କା କ୍ରିକେଟ୍ ସଂଶୋଧିତ ସୂଚୀ ସ୍ପଷ୍ଟ କରିଛି।