ଇଣ୍ଡୋନେସିଆ ଓପନ୍ ପ୍ରିକ୍ବାର୍ଟରରେ ସିନ୍ଧୁ, ଶ୍ରୀକାନ୍ତ, ପ୍ରଣୀତ
ବାଲି: ଚଳିତ ଇଣ୍ଡୋନେସିଆ ଓପନ୍ ବ୍ୟାଡ୍ମିଣ୍ଟନ୍ ପ୍ରତିଯୋଗିତାର ପ୍ରିକ୍ବାର୍ଟର ଫାଇନାଲ୍ରେ ଭାରତର ଦୁଇ ଅଲିମ୍ପିକ୍ସ ପଦକ ବିଜୟିନୀ ପିଭି ସିନ୍ଧୁଙ୍କ ସହ ପୁରୁଷ ତାରକା କିଦାମ୍ବି ଶ୍ରୀକାନ୍ତ ଓ ବି ସାଇ ପ୍ରଣୀତ ପ୍ରବେଶ କରିଛନ୍ତି। ବୁଧବାର ମହିଳା ଏକକରେ ବିଶ୍ବ ବିଜୟିନୀ ସିନ୍ଧୁ ୧୭-୨୧, ୨୧-୧୭, ୨୧-୧୭ରେ ଜାପାନ୍ର ଆୟା ଓହୋରିଙ୍କୁ ପରାସ୍ତ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ତୃତୀୟ ମାନ୍ୟତାପ୍ରାପ୍ତ ସିନ୍ଧୁ ପ୍ରିକ୍ବାର୍ଟର୍ରେ ୨୬ ମାନ୍ୟତାପ୍ରାପ୍ତ ଜର୍ମାନିର ଭୋନି ଲିଙ୍କୁ ଭେଟିବେ। ସେହିପରି ପୁରୁଷ ଏକକରେ ପୂର୍ବତନ ଶୀର୍ଷ ମାନ୍ୟତାପ୍ରାପ୍ତ ଶ୍ରୀକାନ୍ତ ୨୧-୧୫, ୧୯-୨୧, ୨୧-୧୨ରେ ନିଜ ଦେଶର ଏଚ୍ଏସ୍ ପ୍ରଣୟଙ୍କୁ ଏବଂ ପ୍ରଣୀତ ୨୧-୧୯, ୨୧-୧୮ରେ ଫ୍ରାନ୍ସର ତୋମା ଜୁନିୟର ପୋପୋଭଙ୍କୁ ପରାସ୍ତ କରିଥିଲେ। ତେବେ ଭାରତୀୟ ମିଶ୍ରିତ ଯୁଗଳ ଯୋଡ଼ି ଏନ୍ ସିକ୍କି ରେଡ୍ଡୀ ଓ ଧ୍ରୁବ କପିଳ ପ୍ରଥମ ପର୍ଯ୍ୟାୟରୁ ବିଦାୟ ନେଇଛନ୍ତି। ଏହି ଭାରତୀୟ ଯୋଡ଼ି ୭-୨୧, ୧୨-୨୧ରେ ଜାପାନ୍ର କୋହେଇ ୟାମାସିତା ଓ ନାରୁ ସିନୋୟାଙ୍କଠୁ ହାରି ଯାଇଥିଲେ।