ଆଶୀର୍ବାଦ, ଧନଞ୍ଜୟଙ୍କ ଶତକ; ଆଦିତ୍ୟଙ୍କୁ ୬, ମୁନାଙ୍କୁ ୫ ଓ୍ୱିକେଟ୍
୧୯ ବର୍ଷରୁ କମ୍ ଅନ୍ତଃଜିଲ୍ଲା କ୍ରିକେଟ୍
କଟକ : ଏଠାରେ ଚାଲିଥିବା ୧୯ ବର୍ଷରୁ କମ୍ ଅନ୍ତଃଜିଲ୍ଲା କ୍ରିକେଟ୍ ପ୍ରତିଯୋଗିତାରେ ଶୁକ୍ରବାର ରାଉରକେଲା, ଝାରସୁଗୁଡ଼ା, କିଟ୍, ଖୋର୍ଦ୍ଧା, କେନ୍ଦୁଝର, ସୁନ୍ଦରଗଡ଼ ବିଜୟୀ ହୋଇଛନ୍ତି।
ନିମପୁରରେ ରାଉରକେଲା ୧୫୧ ରନ୍ରେ ଗଞ୍ଜାମକୁ ପରାସ୍ତ କରିଛି। ଆଶୀର୍ବାଦ ସ୍ବାଇଁ (୧୧୩ ରନ୍, ୧୧୬ ବଲ୍, ୮ ଚୌକା, ୫ ଛକା)ଙ୍କ ଶତକୀୟ ପାଳି ବଳରେ ରାଉରକେଲା ସମସ୍ତ ଵିକେଟ୍ ବିନିମୟରେ ୨୩୫ ରନ୍ କରିଥିଲା। ଜବାବରେ ଗଞ୍ଜାମ ୮୪ ରନ୍ରେ ସମସ୍ତ ଵିକେଟ୍ ହରାଇଥିଲା। ବିଜୟୀ ଦଳର ସରଣଦୀପ ବରିହା ୩ ଵିକେଟ୍ ପାଇଥିଲେ।
ରେଭେନ୍ସା ୨ନମ୍ବର ପଡ଼ିଆରେ ଝାରସୁଗୁଡ଼ା ୧୭୭ ରନ୍ରେ ବୌଦ୍ଧକୁ ହରାଇଛି। ଧନଞ୍ଜୟ ଯାଦବ (୧୬୩ ରନ୍, ୧୫୫ ବଲ୍, ୧୪ ଚୌକା, ୯ ଛକା)ଙ୍କ ଶତକ ବଳରେ ଝାରସୁଗୁଡ଼ା ୫ ଵିକେଟ୍ ହରାଇ ୨୬୩ ରନ୍ କରିଥିଲା। ଜବାବରେ ବୌଦ୍ଧ ମାତ୍ର ୮୬ ରନ୍ରେ ସମସ୍ତ ଵିକେଟ୍ ହରାଇଥିଲା। ଭିକି ରାଏ ୩, ଓମ୍ କୁମାର, ସୁଜିତ ଠାକୁର, ଶୁଭମ୍ ସି˚ହ ଦୁଇଟି ଲେଖାଏଁ ଵିକେଟ୍ ନେଇଥିଲେ।
ବିଡ଼ାନାସୀ ପଡ଼ିଆରେ ଖୋର୍ଦ୍ଧା ୧୨୧ ରନ୍ରେ ରାୟଗଡ଼ାକୁ ହରାଇଛି। ଖୋର୍ଦ୍ଧା ୩୮.୧ ଓଭରରେ ୨୧୨ ରନ୍ କରିଥିଲା। ପ୍ରିୟବ୍ରତ ଦାସ ସର୍ବାଧିକ ୮୦ ରନ୍ କରିଥିଲା ବେଳେ ରାୟଗଡ଼ାର ଦୀପଙ୍କର ପରିଚ୍ଛା ୪ ଵିକେଟ୍ ପାଇଥିଲେ। ଜବାବରେ ରାୟଗଡ଼ା ମାତ୍ର ୯୧ ରନ୍ରେ ସମସ୍ତ ଵିକେଟ୍ ହରାଇଥିଲା। ଆଦିତ୍ୟ ଜୟସି˚ହ ୧୮ ରନ୍ରେ ୬ ଵିକେଟ୍ ନେଇଥିଲେ।
ରେଭେନ୍ସା ପଡ଼ିଆରେ କିଟ୍ ୩୯ ରନ୍ରେ ମାଲକାନଗିରିକୁ ହରାଇଛି। କିଟ୍ ୯ ଵିକେଟ୍ ବିନିମୟରେ ୨୦୯ ରନ୍ କରିଥିଲା। ମଣିତେଜ ମହାନ୍ତି ୪୭, ଶଙ୍କର ମଡ଼କାମି ୩୭* ରନ୍ କରିଥିଲା ବେଳେ ମାଲକାନଗିରିର ଦଶୁ ସନ୍ଧି, ମନୋଜ ମାଝି ଦୁଇଟି ଲେଖାଏଁ ଵିକେଟ୍ ପାଇଥିଲେ। ଜବାବରେ ମାଲକାନଗିରି ୬ ଵିକେଟ୍ ବିନିମୟରେ ୧୭୦ ରନ୍ କରିପାରିଥିଲା। ବିଜୟୀ ଦଳର ଶଙ୍କର ମଡ଼କାମି ୩ ଵିକେଟ୍ ନେଇଥିଲେ।
ବୋସ୍ ପଡ଼ିଆରେ କେନ୍ଦୁଝର ୭୭ ରନ୍ରେ ନୟାଗଡ଼କୁ ମାତ୍ ଦେଇଛି। ଆଶୁତୋଷ ରାଏ (୮୧), ଆଶୁତୋଷ ସାହା (୩୫), ଦୀପ ରାଉତ (୩୪)ଙ୍କ ବଳରେ କେନ୍ଦୁଝର ୨୪୮ ରନ୍ କରିଥିଲା। ଅଙ୍କିତ ଅରୁଣାଭ ଓ ଆଶୁତୋଷ ଦାସ ୩ ଵିକେଟ୍ ଲେଖାଏଁ ନେଇଥିଲେ। ଜବାବରେ ନୟାଗଡ଼ ୧୭୧ ରନ୍ରେ ସୀମିତ ରହିଥିଲା। ଅଙ୍କିତ ଅରୁଣାଭ ୪୮ ରନ୍ କରିଥିଲା ବେଳେ ଅସିତ ସାହୁ ୪ ଵିକେଟ୍ ନେଇଥିଲେ।
ଡ୍ରିମ୍ସରେ ସୁନ୍ଦରଗଡ଼ ୫ ଵିକେଟ୍ରେ ପାରାଦ୍ବୀପକୁ ପରାସ୍ତ କରିଛି। ଅନନ୍ତ ନାୟକଙ୍କ ୫୭ ରନ୍ ବଳରେ ପାରାଦ୍ବୀପ ୧୪୪ କରିଥିଲା। ସୁନ୍ଦରଗଡ଼ର ମୁନା ପ୍ରସାଦ ୫ ଵିକେଟ୍ ଅକ୍ତିଆର କରିଥିଲେ। ଜବାବରେ ସୁନ୍ଦରଗଡ଼ ୩୩ ଓଭରରେ ୫ ଵିକେଟ୍ ହରାଇ ମ୍ୟାଚ୍ ଜିତିଥିଲା। ଅମନ ଯାଦବ ୩୦, ଉମେଶ ଗୌତମ ୪୫ ରନ୍ କରିଥିଲେ।
