୧୯ ବର୍ଷରୁ କମ୍ ଅନ୍ତଃଜିଲ୍ଲା କ୍ରିକେଟ୍: ସୂର୍ଯ୍ୟ, ଆଶୁତୋଷ, ରାଜୀବ, ଦିନେଶଙ୍କ ଶତକ
ସୁବାଶିଷ ଓ ସୁଦୀପଙ୍କୁ ୫ ଵିକେଟ୍ ସଫଳତା
କଟକ,: ଏଠାରେ ଚାଲିଥିବା ୧୯ ବର୍ଷରୁ କମ୍ ଅନ୍ତଃଜିଲ୍ଲା କ୍ରିକେଟ୍ ପ୍ରତିଯୋଗିତାରେ ଶନିବାର ଗଜପତି, ଭଦ୍ରକ, ଭୁବନେଶ୍ବର ବି’, ଜଗତସି˚ହପୁର, ବାଲେଶ୍ବର ଓ କୋରାପୁଟ ବିଜୟୀ ହୋଇଛନ୍ତି। ଭଦ୍ରକର ସୂର୍ଯ୍ୟ ମହାପାତ୍ର, ବାଲେଶ୍ବରର ଆଶୁତୋଷ ମାରାଣ୍ତି, ରାଜୀବ ଲୋଚନ ସାହୁ, କଳାହାଣ୍ତିର ଦିନେଶ ମାଝୀ ଶତକ ଅର୍ଜନ କରିଛନ୍ତି। ସେହିପରି କନ୍ଧମାଳର ସୁବାଶିଷ ପାଳ ଓ ଜଗତସି˚ହପୁରର ସୁଦୀପ ସ୍ବାଇଁ ୫ ଵିକେଟ୍ ସଫଳତା ପାଇଛନ୍ତି। ସବୁଠାରୁ ଚର୍ଚ୍ଚାର ଘଟଣା ହେଉଛି ଜଗତସି˚ହପୁର ବିପକ୍ଷରେ କନ୍ଧମାଳ ଅତିରିକ୍ତ ଭାବେ ୭୮ରନ୍ ବ୍ୟୟ କରିିବା। ଜଗତସି˚ହପୁର ଏହି ପାଳିରେ ୧୪୭ ରନ୍ କରିଥିଲା।
Sambad is now on WhatsApp
Join and get latest news updates delivered to you via WhatsApp
ବିଡ଼ାନାସୀ ପଡ଼ିଆରେ ଗଜପତି ୫୪ ରନ୍ରେ ନବରଙ୍ଗପୁରକୁ ହରାଇଛି। ଟସ୍ ଜିତି ବ୍ୟାଟି˚ ନେଇଥିବା ଗଜପତି ୪୦ ଓଭରରେ ସମସ୍ତ ଵିକେଟ ହରାଇ ୧୯୮ ରନ୍ କରିଥିଲା। ବ୍ରେନ୍ ସି˚ହ ୫୩* ରନ୍ର ଅର୍ଦ୍ଧଶତକୀୟ ପାଳି ଖେଳିଥିଲା ବେଳେ କଦଗଳା ଚନ୍ଦୁ ୪୮ ରନ୍ କରିଥିଲେ। ନବରଙ୍ଗପୁରର ଦିନେଶ ଶ୍ରୀବାସ୍ତବ ଓ ଦିଲ୍ଲୀପ ବିଶୋଇ ତିନିଟି ଲେଖାଏଁ ଵିକେଟ୍ ପାଇଥିଲେ। ଜବାବରେ ନବରଙ୍ଗପୁର ୧୪୪ ରନ୍ରେ ସୀମିତ ରହିଥିଲା। ଜି ଆର୍ଯ୍ୟନ ୪୩ ରନ୍ କରିଥିଲା ବେଳେ ବିଜୟୀ ଦଳ ପକ୍ଷରୁ ବ୍ରେନ୍ ସି˚ହ ୪, ପ୍ରୀତମ ପ୍ରଧାନ ୩ ଵିକେଟ୍ ନେଇଥିଲେ। ରେଭେନ୍ସା ୧ନମ୍ବର ପଡ଼ିଆରେ ଭଦ୍ରକ ୫ ଵିକେଟ୍ରେ ଯାଜପୁରକୁ ପରାସ୍ତ କରିଛି। ପ୍ରଥମେ ବୋଲିଂ ନେଇଥିବା ଭଦ୍ରକ ପ୍ରତିପକ୍ଷ ଯାଜପୁରକୁ ୪୪.୨ ଓଭରରେ ୧୭୧ ରନ୍ରେ ରୋକିଥିଲା। ଯାଜପୁର ପାଇଁ ମହମ୍ମଦ ସୋହେଲ ୭୯ ରନ୍ର ଅର୍ଦ୍ଧଶତକୀୟ ପାଳି ଖେଳିଥିଲା ବେଳେ ଭଦ୍ରକର ମିର କାଫିରୁଦ୍ଦିନ୍ ୩ ଵିକେଟ୍ ନେଇଥିଲେ। ଜବାବରେ ଭଦ୍ରକ ୪୪.୫ ଓଭରରେ ୫ ଵିକେଟ୍ ହରାଇ ମ୍ୟାଚ୍ ଜିତିଥିଲା। ସୂର୍ଯ୍ୟ ମହାପାତ୍ର ଅପରାଜିତ ଶତକୀୟ ପାଳି ଖେଳିଥିଲେ। ସେ ୧୦୭ ବଲ୍ରୁ ୧୦ ଚୌକା ଓ ୨ ଛକା ସହାୟତାରେ ୧୦୦ ରନ୍ କରିଥିଲେ।
ନିମପୁରରେ ଭୁବନେଶ୍ବର ବି’ ୮ ଵିକେଟ୍ରେ ବରଗଡ଼କୁ ହରାଇଛି। ବରଗଡ଼ ମାତ୍ର ୯୭ ରନ୍ରେ ସମସ୍ତ ଵିକେଟ୍ ହରାଇଥିଲା। ଭୁବନେଶ୍ବରର ସୁଶୀଲ ବାରିକ, ବିକାଶ ନାଏକ ତିନିଟି ଲେଖାଏଁ ଏବ˚ ବିରାଜକାନ୍ତ ବେହେରା, ପ୍ରତ୍ୟୁଷ ସାହୁ ଦୁଇଟି ଲେଖାଏଁ ଵିକେଟ୍ ପାଇଥିଲେ। ଏହି ସହଜସାଧ୍ୟ ଲକ୍ଷକୁ ଭୁବନେଶ୍ବର ଦଳ ୨୧.୪ ଓଭରରେ ୨ ଵିକେଟ୍ ହରାଇ ହାସଲ କରିଥିଲା। ସାରା˚ଶ କୁମାର ୪୮, ଅନ୍ବେଶ ତ୍ରିପାଠୀ ୨୩, ବିଭା˚ଶୁ ରାଏ ୧୯ ରନ୍ର ପାଳି ଖେଳିଥିଲେ। ଡ୍ରିମ୍ସରେ ଜଗତସି˚ହପୁର ୧୦୩ ରନ୍ରେ କନ୍ଧମାଳକୁ ପରାସ୍ତ କରିଛି। କନ୍ଧମାଳ ପ୍ରଥମେ ବୋଲି˚ କରି ଜଗତସି˚ହପୁରକୁ ୩୬.୫ ଓଭରରେ ୧୪୭ ରନ୍ରେ ଅଟକାଇ ଦେଇଥିଲା। ବିଶ୍ବଜିତ ସୂତାର ୨୯, ଅବରାର ଅଜିଜ୍ ୨୩ ରନ୍ କରିଥିଲେ। ତେବେ ସବୁଠୁ ଚର୍ଚ୍ଚାର ବିଷୟ ହେଲା ଏହି ପାଳିରେ ସର୍ବାଧିକ ରନ୍ କରିଥିବା ଖେଳାଳିଙ୍କ ଅପେକ୍ଷା ଅତିରିକ୍ତ ରନ୍ ସ˚ଖ୍ୟା ତିନିଗୁଣାରୁ ଅଧିକ ଥିଲା। କନ୍ଧମାଳର ବୋଲରମାନେ ୭୮ ରନ୍ ଅତିରିକ୍ତ ଭାବେ ବ୍ୟୟ କରିଥିଲେ। ଏଥିମଧ୍ୟରେ ୭୨ ଵାଇଡ୍ ସାମିଲ ଥିଲା। ସୁବାଶିଷ ପାଳ ୫ ଵିକେଟ୍ ଅକ୍ତିଆର କରିଥିଲେ। ଜବାବରେ କନ୍ଧମାଳ ମାତ୍ର ୪୪ ରନ୍ କରି ସମସ୍ତ ଵିକେଟ୍ ହରାଇଥିଲା। ସୁଦୀପ ସ୍ବାଇଁ ୫, ସନ୍ୟାସି ପଟ୍ଟନାୟକ ୩ ଵିକେଟ୍ ନେଇଥିଲେ।
ବୋସ୍ ପଡ଼ିଆରେ ବାଲେଶ୍ବର ୧୧୧ ରନ୍ରେ ପୁରୀକୁ ହରାଇଛି। ବାଲେଶ୍ବର ୩୩୩ ରନ୍ର ବିଶାଳ ରନ୍ ଛିଡ଼ା କରିଥିଲା। ଆଶୁତୋଷ ମାରାଣ୍ତି ଓ ରାଜୀବ ଲୋଚନ ସାହୁ ଉଭୟେ ଶତକୀୟ ପାଳି ଖେଳିଥିଲେ। ଆଶୁତୋଷ ୧୦୫ ବଲ୍ରୁ ୧୦ ଚୌକା ଓ ୬ ଛକା ସହାୟତାରେ ୧୦୮ ଏବ˚ ରାଜୀବ ୮୦ ବଲ୍ରୁ ୧୧ ଚୌକା ଓ ୪ ଛକା ସହାୟତାରେ ୧୧୦ ରନ୍ କରିଥିଲେ। ପବିତ୍ର ବିଶୋଇ ୪ ଵିକେଟ୍ ଅକ୍ତିଆର କରିଥିଲେ। ପୁରୀ ୨୨୨ ରନ୍ରେ ସମସ୍ତ ଵିକେଟ୍ ହରାଇଥିଲା। ନିଶାନ୍ତ ନାୟକ ୪୨, ନିଶାନ ଦାସ ୪୧*, ସୁମିତ ସାହୁ ୩୭ ରନ୍ କରିଥିଲେ। ବିଜୟୀ ଦଳର ରାଜୀବ ଓ ଶୁଭଶଙ୍କର ବାରିକ ତିନିଟି ଲେଖାଏଁ ଵିକେଟ୍ ପାଇଥିଲେ। ରେଭେନ୍ସା ୨ନମ୍ବର ପଡ଼ିଆରେ କୋରାପୁଟ ୨ ଵିକେଟ୍ରେ କଳାହାଣ୍ତିକୁ ହରାଇଛି। ସ˚ଘର୍ଷପୂର୍ଣ୍ଣ ଏହି ମ୍ୟାଚ୍ରେ କଳାହାଣ୍ତି ୨୦୫ ରନ୍ କରିଥିଲା। ଅଧିନାୟକ ଦିନେଶ ମାଝୀ ଶତକ ଜମାଇଥିଲେ। ସେ ୧୪୪ ବଲ୍ରୁ ୧୭ ଚୌକା ଓ ୯ ଛକା ସହାୟତାରେ ୧୬୮ ରନ୍ କରିଥିଲେ। ତାଙ୍କ ବ୍ୟତୀତ ଅତରିକ୍ତ ୩୧ ରନ୍ ଆସିଥିଲା। କୋରାପୁଟର ନିର˚ଜନ ଗୌଡ଼ ଓ ଆଦିତ୍ୟ ଶତପଥି ୩ଟି ଲେଖାଏଁ ଵିକେଟ୍ ନେଇଥିଲେ। ଜବବାରେ କୋରାପୁଟ ୮ ଵିକେଟ୍ ହରାଇ ମ୍ୟାଚ୍ ଜିତିଥିଲା। ଅର୍ସଦ କିରଣ ୮୫, ଶୁଭମ୍ ସି˚ହ ୪୨ ରନ୍ କରି ବିଜୟର ମଙ୍ଗ ଧରିଥିଲେ।