କଟକ: ଓସିଏ ପକ୍ଷରୁ ଚାଲିଥିବା ଅନ୍ତଃଜିଲ୍ଲା ଟ୍ବେଣ୍ଟି-୨୦ ଲିଗ୍ର ସୁପରଲିଗ୍ ପର୍ଯ୍ୟାୟ ରବିବାରଠୁ ଆରମ୍ଭ ହେବ। ରେଭେନ୍ସା ବିଶ୍ବବିଦ୍ୟାଳୟ ଓ କିଟ୍ ଷ୍ଟାଡିୟମ୍ରେ ମ୍ୟାଚ୍ଗୁଡ଼ିକ ଖେଳାଯିବ। ତିନିଦିନ ପର୍ଯ୍ୟନ୍ତ ସୁପରଲିଗ୍ ଚାଲିବା ପରେ ୨୨ ତାରିଖ ସ˚ଧୢାରେ ବାରବାଟୀ ଷ୍ଟାଡିୟମ୍ରେ ଫାଇନାଲ୍ ଖେଳାଯିବ। ଶନିବାର ଶେଷ ଦଳ ଭାବେ କଟକ ବି’ ସୁପରଲିଗ୍ ପର୍ଯ୍ୟାୟରେ ପ୍ରବେଶ କରିଛି। ଲିଗ୍ ପର୍ଯ୍ୟାୟର ଶେଷ ଦିନରେ କେନ୍ଦ୍ରାପଡ଼ା ଓ ଢେଙ୍କାନାଳ ବିପକ୍ଷରେ କଟକ ଖେଳିଥିବା ଦୁଇଟିଯାକ ମ୍ୟାଚ୍ରେ ବିଜୟୀ ହୋଇ ଏହି ଯୋଗ୍ୟତା ହାସଲ କରିଛି। ସୁପରଲିଗ୍ରେ ପ୍ରବେଶ କରିଥିବା ୬ଟି ଦଳକୁ ନେଇ ଦୁଇଟି ଗ୍ରୁପ୍ କରାଯାଇଛି। ଗ୍ରୁପ୍ ଏ’ରେ କଟକ ଏ’, ବାଲେଶ୍ବର, ଭୁବନେଶ୍ବର ବି’ ଏବ˚ ଗ୍ରୁପ୍ ବି’ରେ ଭୁବନେଶ୍ବର ଏ’, ଇକୋର୍ସା, କଟକ ବି’ ସ୍ଥାନ ପାଇଛନ୍ତି। ପ୍ରତ୍ୟେକ ନିଜ ନିଜ ଗ୍ରୁପ୍ର ଦଳମାନଙ୍କ ସହ ଖେଳିବା ପରେ ଉଭୟ ଗ୍ରୁପ୍ର ଶ୍ରେଷ୍ଠ ଦଳ ଫାଇନାଲ୍ରେ ଭେଟାଭେଟି ହେବେ।
Sambad is now on WhatsApp
Join and get latest news updates delivered to you via WhatsApp
ଶନିବାର ଖେଳାଯାଇଥିବା ମ୍ୟାଚ୍ଗୁଡ଼ିକ ମଧ୍ୟରେ କଟକ ବି’ ୯ ଵିକେଟରେ କେନ୍ଦ୍ରାପଡ଼ାକୁ ଏବଂ ୨୫ ରନ୍ରେ ଢେଙ୍କାନାଳକୁ, ଢେଙ୍କାନାଳ ୭ ଵିକେଟରେ ପାରାଦ୍ବୀପକୁ, ପାରାଦ୍ବୀପ ୭ ଵିକେଟରେ ଦେଓଗଡ଼କୁ, ନବରଙ୍ଗପୁର ୪୨ ରନ୍ରେ ଅନୁଗୁଳକୁ, କେନ୍ଦ୍ରାପଡ଼ା ୭ ଵିକେଟରେ ଅନୁଗୁଳକୁ ହରାଇଛନ୍ତି। ଶନିବାର ଗୋଟିଏ ଶତକ ଓ ୫ ଅର୍ଧଶତକ ହୋଇଛି। ନବରଙ୍ଗପୁରର ସୁକେଶ ହିରା ୧୩୦ ରନ୍ ସ˚ଗ୍ରହ କରିଥିଲା ବେଳେ ଗୌରବ ଚୌଧୁରୀ ୭୪, ପୂର୍ଣ୍ଣଚନ୍ଦ୍ର ମାଝୀ ୬୪, ରାକେଶ ଗୋଚ୍ଛାୟତ ୬୧, ଆରିଫ ବେଗ୍ ୫୭, ଅବିନାଶ ନାୟକ ୫୭* ଅର୍ଧଶତକ ଜମାଇଥିଲେ। ଶନିବାର ଖେଳାଯାଇଥିବା ମ୍ୟାଚ୍ଗୁଡ଼ିକରେ ଅତିଥି ଭାବେ ବାରବାଟୀ ଷ୍ଟାଡିୟମରେ ଭଦ୍ରକ କ୍ରିକେଟ ସ˚ଘ ଉପେନ୍ଦ୍ର କୁମାର ବାରିକ, ରେଭେନ୍ସା ବିଶ୍ବବିଦ୍ୟାଳୟରେ ଏସ୍ବିଆଇର ଉପେନ୍ଦ୍ର କୁମାର ଦାଶ, ବିଡ଼ାନାସୀରେ ଡକ୍ଟର ଦେବାଶିଷ ପ୍ରଧାନ ଯୋଗଦେଇଥିଲେ।