ଆଇପିଏଲ୍ ୧୧: ଚେନ୍ନାଇର ସବୁ ଘରୋଇ ମ୍ୟାଚ ପୁଣେରେ!
ଚେନ୍ନାଇ: କାବେରୀ ଜଳ ବିବାଦକୁ ନେଇ ତାମିଳନାଡୁରେ ଲୋକଙ୍କ ମଧ୍ୟରେ ବିରୋଧ ଦେଖିବାକୁ ମିଲିଛି । ଯାହା ଫଳରେ ଚେନ୍ନାଇରେ ଖେଳା ଯିବାକୁ ଥିବା ବାକି ସବୁ ଆଇପିଏଲ ମ୍ୟାଚକୁ ବାତିଲ କରାଯାଇଛି । ଏହି ମ୍ୟାଚ ସବୁ ଅନ୍ୟ ସ୍ଥାନରେ ଖେଳାଯିବା ପାଇଁ ନିଷ୍ପତି ନିଆ ଯାଇଛି । ବିସିସିଆଇ ଓ ଚେନ୍ନାଇ ସୁପର କିଙ୍ଗସ୍ ନିଷ୍ପତି ନେଇଛନ୍ତି, ଚେନ୍ନାଇର ଏମ୍ ଚିଦାମ୍ବରମ୍ ଷ୍ଟାଡିୟମରେ ଖେଳାଯିବାକୁ ଥିବା ସବୁ ଘରୋଇ ମ୍ୟାଚ ପୁଣେରେ ଖେଳାଯିବ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଚେନ୍ନାଇ ସୁପର କିଙ୍ଗସର ମାଳିକ, ଆଇପିଏଲର ଗଭର୍ଣ୍ଣିଂ କାଉନସିଲ ଓ ବିସିସିଆଇ ମିଳିତ ଭାବେ ନିଷ୍ପତି ନେଇଛନ୍ତି, ଚେନ୍ନାଇର ସବୁ ମ୍ୟାଚକୁ ପୁଣେରେ ଆୟୋଜନ କରାଯିବ । ପୂର୍ବରୁ ପୁଣେରେ ଆଇପିଏଲର ଦୁଇଟି ମ୍ୟାଚ ମେ’ ୨୩ ଓ ମେ’ ୨୫ ତାରିଖରେ ଖେଳା ଯିବାରଥିଲା । ଏଥି ପାଇଁ ପୁଣେ ପ୍ରସ୍ତୁତି କରୁଥିବା ବେଲେ ଏବେ ପୁଣେରେ ଚେନ୍ନାଇର ଘରୋଇ ମ୍ୟାଚ ଖେଳାଯିବ ।
କାବେରୀ ନଦୀ ବିବାଦକୁ ନେଇ ତାମିଳନାଡୁରେ ରାଜନୈତିକ ଦଳ ମାନଙ୍କ ମଧ୍ୟରେ ବିରୋଧ ଦେଖିବାକୁ ମିଳିଛି । ଏହି କାରଣରୁ ଚେନ୍ନାଇ ପୁଲିସ ଆଇପିଏଲ ମ୍ୟାଚକୁ ସୁରକ୍ଷା ଦେଇପାରିବେନି ବୋଲି ମନା କରିଦେଇଛି । ବିଭିନ୍ନ ସଂଗଠନ ଆଇପିଏଲ ମ୍ୟାଚ ନ କରିବା ବିରୋଧ ଜାରି ରଖିଛନ୍ତି । ଚେନ୍ନାଇରେ ମଙ୍ଗଳବାର ଖେଳାଯାଇଥିବା ଚେନ୍ନାଇ ଓ କୋଲକତା ନାଇଟ ରାଇଡର୍ସ ମଧ୍ୟରେ ହୋଇଥିବା ଏହି ମ୍ୟାଚ ଚାଲିଥିବା ବେଳେ ପ୍ରଥମ ଇନିଂସର ୮ ଓଭରରେ କିଛି ପ୍ରଦର୍ଶନକାରୀ ରବୀନ୍ଦ୍ର ଜାଡେଜାଙ୍କ ନିକଟକୁ ଜୋତା ଫିଙ୍ଗିଥିଲେ।