ରଂଗାରଂଗ କାର୍ଯ୍ୟକ୍ରମ ସହିତ ଆଇପିଏଲ୍‌ ୧୧ ଆରମ୍ଭ, ଟସ୍‌ ଜିଣି ଚେନ୍ନାଇ ସୁପରକିଙ୍ଗସ୍‌ର ବୋଲିଂ ନିଷ୍ପତ୍ତି

ମୁମ୍ବାଇ: ଇଣ୍ଡିଆନ୍‌ ପ୍ରିମିୟର ଲିଗ୍‌ର ୧୧ତମ ସଂସ୍କରଣ ରଂଗାରଂଗ କାର୍ଯ୍ୟକ୍ରମ ସହିିତ ଶନିବାର ସନ୍ଧ୍ୟାରେ ଆରମ୍ଭ ହୋଇଯାଇଛି। ମୁମ୍ବାଇର ଓ୍ଵାଙ୍ଖେଡେ ଷ୍ଟାଡିୟମରେ ମୁମ୍ବାଇ ଇଣ୍ଡିଆନସ୍‌ ଓ ଚେନ୍ନାଇ ସୁପରକିଙ୍ଗସ୍‌ ମଧ୍ୟରେ ଉଦ୍‌ଘାଟନୀ ମୁକାବିଲା ହେବା ଚେନ୍ନାଇ ଟସ୍‌ ଜିଣି ବୋଲିଂ କରିବାର ନିଷ୍ପତ୍ତି ନେଇଛି।

We're ready. Are you? #VIVOIPL pic.twitter.com/aQnUHTuGqi

— IndianPremierLeague (@IPL) April 7, 2018

ପୂର୍ବରୁ ପ୍ରାୟ ୨ ଘଣ୍ଟା ଧରି ନାଚ-ଗୀତ, ଆଲୋକ ମାଳା ଓ ଡିଜେ ସାଉଣ୍ଡରେ ଷ୍ଟାଡିୟମ୍‌ କମ୍ପି ଉଠିଥିଲା। ବଲିଉଡ ଅଭିନେତା ହ୍ରିତିକ ରୋଶନ, ବରୁଣ ଧାଓ୍ଵନ, ପ୍ରଭୁ ଦେବା, ପ୍ରଚ୍ଛଦପଟ୍ଟ ଗାୟକ ମିକା ସିଂ, ଅଭିନେତ୍ରୀ ଜ୍ୟାକଲିନ୍‌ ଫର୍ଣ୍ଣାଡିଜ୍‌ ଓ ତମନ୍ନା ଭାଟିଆଙ୍କ ସମେତ ଆହୁରି ଅନେକ କଳାକାର ଯୋଗଦେଇ ଦର୍ଶକଙ୍କ ମନକୁ କିଣି ଥିଲେ।

We've won all the three titles for this wonderful crowd here. Looking forward to starting this tournament on a good note - @mipaltan Captain @ImRo45 ahead of tonight's opening game. pic.twitter.com/peSEb4422G

— IndianPremierLeague (@IPL) April 7, 2018

ଅଭିନେତା ହ୍ରିତିକ ରୋଶନଙ୍କ ‘ସେନୋରିଟା’ ପ୍ରସ୍ତୁତି ପୂର୍ବର ଜ୍ୟାକଲିନ୍‌ ‘ସୋ ତରାହକେ...’ ସଂଗୀତରେ ଦର୍ଶକ ଝୁମିଥିଲେ। ନୃତ୍ୟ ପ୍ରସ୍ତୁତି ଦେବା ପୂର୍ବରୁ ଏକ ସୁସଜ୍ଜିତ ସବାରିରେ ଜ୍ୟାକଲିନ୍‌ଙ୍କୁ ପଡ଼ିଆ ଭିତରକୁ ଅଣାଯାଇଥିଲା। ତମନ୍ନା ଭାଟିଆ ଓ ବରୁଣ ଧାଓ୍ଵନ ମଧ୍ୟ ତାଙ୍କର ନୃତ୍ୟୁ ଶୈଳୀରେ ଦର୍ଶକଙ୍କୁ ଆକର୍ଷିତ କରିଥିଲେ।