କୋଚିରେ ଡିସେମ୍ବର ୨୩ରେ ଆଇପିଏଲ୍ ନିଲାମ
ମୁମ୍ବାଇ : ଇଣ୍ଡିଆନ୍ ପ୍ରମିୟର ଲିଗ୍ (ଆଇପିଏଲ୍)ର ଆଗାମୀ ଋତୁ ଲାଗି ଡିସେମ୍ବର ୨୩ ତାରିଖରେ କୋଚିଠାରେ ଏକ ଛୋଟ ନିଲାମ ହେବ। ଫ୍ରାଞ୍ଚାଇଜ୍ଗୁଡ଼ିକ ଆଗାମୀ ସଂସ୍କରଣ ଲାଗି କେଉଁ ଖେଳାଳିଙ୍କୁ ନିଜ ପାଖରେ ରଖିବେ ଏବଂ ଛାଡ଼ିବେ ତାହାର ତାଲିକା ଦେବାର ଶେଷ ତାରିଖ ନଭେମ୍ବର ୧୫ ରହିଛି। ଏଥିଲାଗି ଫ୍ରାଞ୍ଚାଇଜ୍ଗୁଡ଼ିକ ନିଜ ନିଜ କାର୍ଯ୍ୟ ଜାରି ରଖିଛନ୍ତି। ଛାଡ଼ିଥିବା ଖେଳାଳି ଏବଂ କିଛି ନୂଆ ଖେଳାଳିଙ୍କୁ ନେଇ ଏହି ଛୋଟ ନିଲାମ କରାଯିବ। ଏଥିସହ ଦଳଗୁଡ଼ିକୁ ଆଉ ଅଧିକ ୫ କୋଟି ଟଙ୍କା ଖର୍ଚ୍ଚ କରିବାର ଅନୁମତି ମିଳିଯାଇଛି। ଫଳରେ ଫ୍ରାଞ୍ଚାଇଜ୍ଗୁଡ଼ିକର ବଜେଟ ୯୦ରୁ ୯୫ କୋଟି ଟଙ୍କାକୁ ବୃଦ୍ଧି ହୋଇଛି।
Sambad is now on WhatsApp
Join and get latest news updates delivered to you via WhatsApp
ଗତ ବର୍ଷ ନିଲାମ ପରେ ପଞ୍ଜାବ କିଙ୍ଗ୍ସ ନିକଟରେ ସର୍ବାଧିକ ଟଙ୍କା (୩.୪୫ କୋଟି) ବଞ୍ଚିଥିଲା ବେଳେ ଲକ୍ଷ୍ନୌ ସୁପର ଜାଏଣ୍ଟସ୍ର ସବୁ ଶେଷ ହୋଇଯାଇଛି। ଚେନ୍ନାଇ ସୁପର କିଙ୍ଗ୍ସ ନିକଟରେ ୨.୯୫ ବଳକା ଥିଲା ବେଳେ ଏହା ପଛକୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (୧.୫୫ କୋଟି), ରାଜସ୍ଥାନ ରୟାଲ୍ସ (୯୫ ଲକ୍ଷ), କୋଲ୍କାତା ନାଇଟ୍ ରାଇଡର୍ସ (୪୫ ଲକ୍ଷ), ଗୁଜରାଟ ଟାଇଟନ୍ସ (୧୫ ଲକ୍ଷ) ରହିଛନ୍ତି। ଅନ୍ୟ ୩ ଦଳ ମୁମ୍ବାଇ ଇଣ୍ଡିଆନ୍ସ, ସନ୍ରାଇଜର୍ସ ହାଇଦ୍ରାବାଦ ଓ ଦିଲ୍ଲୀ କ୍ୟାପିଟାଲ୍ସ ପାଖରେ ୧୦ ଲକ୍ଷ ଟଙ୍କା ଲେଖାଏଁ ରହିଛି।