ଆଇପିଏଲ : ଟସ ଜିତି ବ୍ୟାଟିଂ ନିଷ୍ପତ୍ତି ନେଲା ବାଙ୍ଗାଲୋର
ସାରଜା : ସାରଜା କ୍ରିକେଟ ଷ୍ଟାଡିୟମଠାରେ ଚାଲିଥିବା ଚଳିତ ଆଇପିଏଲର ୨୮ତମ ମ୍ୟାଚ କୋଲକାତା ନାଇଟ ରାଇଡର୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଖେଳାଯାଉଛି । ଏଥିରେ ବାଙ୍ଗାଲୋର ଦଳର ଅଧିନାୟକ ବିରାଟ କୋହଲି ଟସ ଜିଣି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଚଳିତ ଆଇପିଏଲରେ ଏହି ଦୁଇ ଦଳ ଏପର୍ଯ୍ୟନ୍ତ ୬ଟି ଲେଖାଏଁ ମ୍ୟାଚ ଖେଳିଥିବାବେଳେ ଉଭୟ ୪ଟି ଲେଖାଏଁ ମ୍ୟାଚରେ ବିଜୟ ହାସଲ କରିଛନ୍ତି ଓ ୨ଟି ଲେଖାଏଁ ମ୍ୟାଚରେ ପରାଜୟ ବରଣ କରିଛନ୍ତି । ଫଳରେ ଉଭୟ ଦଳର ୮ ପଏଣ୍ଟ ଲେଖାଏଁ ପାଇଛନ୍ତି । କିନ୍ତୁ ନେଟ ରନରେଟ୍ ଭିତ୍ତିରେ କୋଲକାତା ପଏଣ୍ଟ ଟେବୁଲର ୩ୟ ସ୍ଥାନରେ ଥିବାବେଳେ ବାଙ୍ଗାଲୋର ୪ର୍ଥ ସ୍ଥାନରେ ରହିଛି ।
ଆଜିର ମ୍ୟାଚ ପାଇଁ କୋଲକାତା ଦଳ ସୁନୀଲ ନାରିନଙ୍କ ସ୍ଥାନରେ ଟମ ବାଣ୍ଟନଙ୍କୁ ଖେଳାଉଛି । ବାଣ୍ଟନ ପ୍ରଥମ ଥର ପାଇଁ କେକେଆର କ୍ୟାପ ପିନ୍ଧିଛନ୍ତି ।