ନୂଆଦିଲ୍ଲୀ: ଆମୀର ଖାନଙ୍କ ସିନେମା ‘୩ ଇଡିଅଟ୍ସରେ’ ଏକ ସଂଳାପ ଅଛି, ଯେଉଁଥିରେ ଆମୀର ଖାନ ତାଙ୍କ ସାଙ୍ଗମାନଙ୍କୁ କହୁଛନ୍ତି, ସକ୍ଷମ ହୁଅ, ସଫଳତା ଆପଣାଛାଏଁ ଆସିବ | ବାସ୍ତବରେ ଏମିତି ହିଁ ଘଟିଥାଏ। ଆଜି ଆମେ ଆପଣଙ୍କୁ ଏପରି ଜଣେ ବ୍ୟକ୍ତିଙ୍କ ବିଷୟରେ କହିବାକୁ ଯାଉଛୁ, ଯିଏ ସକ୍ଷମ ଏବଂ ସ୍ବତନ୍ତ୍ର ମଧ୍ୟ| ତାଙ୍କ ନାମ ରମେଶ କୁମାର। ଚଳିତ ଥର ରମେଶ କୁମାରଙ୍କୁ କୋଲକାଟା ନାଇଟ୍ ରାଇଡର୍ସ (କେକେଆର) ୨୦ ଲକ୍ଷ ଟଙ୍କା ମୂଲ୍ୟରେ ଦଳରେ ସାମିଲ କରିଛି।
Sambad is now on WhatsApp
Join and get latest news updates delivered to you via WhatsApp
ଭିଡିଓରେ ଆପଣ ନିଶ୍ଚୟ ଦେଖିବାକୁ ପାଇଥିବେ ଯେ ଜଣେ ଯୁବକ ଅନେକ ଛକା ଓ ଚୌକା ମାରୁଛନ୍ତି। ଏହି ଯୁବକ ଜଣକ ହେଉଛନ୍ତି ରମେଶ କୁମାର | ରମେଶ ଯେତେବେଳେ କ୍ରିକେଟ୍ ପଡ଼ିଆକୁ ଓହ୍ଲାନ୍ତି, ସେତେବେଳେ ସେ ମାହିଭାଇଙ୍କ ପରି ଛକା ଓ ଚୌକା ମାରିଥାଆନ୍ତି। ସୋସିଆଲ ମିଡିଆରେ ସୁନୀଲ କୁମାର ମଧ୍ୟ ବହୁତ ଲୋକପ୍ରିୟ। ଟେନିସ୍ କ୍ରିକେଟ୍ ବଲ୍ ଦୁନିଆରେ ଲୋକମାନେ ତାଙ୍କୁ ନାରାୟଣ ଜଲାଲାବାଦିଆ ବୋଲି ଜାଣନ୍ତି | ବ୍ୟାଟିଂ ସହିତ ସେ ଭଲ ବୋଲିଂ ମଧ୍ୟ କରନ୍ତି।
ରମେଶଙ୍କ ପାଇଁ ଆଇପିଏଲରେ ଖେଳିବା ଏକ ସ୍ୱପ୍ନଠାରୁ କମ୍ ନୁହେଁ | ରମେଶ ଜଣେ ପେସାଦାର କ୍ରିକେଟର ମଧ୍ୟ ନୁହଁନ୍ତି। ସେ ଏକ ସାଧାରଣ ପରିବାରରେ ଜନ୍ମଗ୍ରହଣ କରିଥିଲେ। ରମେଶ କୁମାରଙ୍କ ପିତା ଜଣେ ଜୋତା କାରିଗର ଭାବେ କାମ କରୁଥିବା ବେଳେ ମା ପାଖ ଗ୍ରାମକୁ ଯାଇ ଚୁଡ଼ି ଓ ମନୋହରୀ ସାମଗ୍ରୀ ବିକ୍ରି କରିଥାଆନ୍ତି | ରମେଶଙ୍କ କଠିନ ପରିଶ୍ରମ ହେତୁ ତାଙ୍କୁ ଆଜି ଏଭଳି ସଫଳତା ମିଳିଛି। ପ୍ରତିଭାଶାଳୀ ଖେଳାଳିଙ୍କ ପାଇଁ ଆଇପିଏଲ ଏକ ଉତ୍ତମ ପ୍ଲାଟଫର୍ମରେ ପରିଣତ ହେବାକୁ ଯାଉଛି।