ୟୁଏଇରେ ଆଇପିଏଲ ଆୟୋଜନକୁ ଭାରତ ସରକାରଙ୍କ ଚୂଡ଼ାନ୍ତ ମଂଜୁରୀ ; ଦୁବାଇ, ସାରଜାହା ଓ ଆବୁଧାବିରେ ଖେଳାଯିବ ମ୍ୟାଚ
ନୂଆଦିଲ୍ଲୀ : ୟୁଏଇରେ ଆଇପିଏଲ ଆୟୋଜନ ପ୍ରସ୍ତାବକୁ ଭାରତ ସରକାର ଚୂଡ଼ାନ୍ତ ମଂଜୁରୀ ଦେଇଛନ୍ତି ବୋଲି ଆଇପିଏଲ ଅଧ୍ୟକ୍ଷ ବ୍ରିଜେଶ ପଟେଲ ସୋମବାରଦିନ ସୂଚନା ଦେଇଛନ୍ତି । ସରକାର ଗତ ସପ୍ତାହରେ ଏହାକୁ ନୀତିଗତ ମଂଜୁରୀ ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ସେ କହିଛନ୍ତି ଯେ ଭାରତରେ ହେଉଥିବା ଯଦି କୌଣସି ଟୁର୍ଣ୍ଣାମେଣ୍ଟ ବିଦେଶରେ ଖେଳାଯାଏ, ତେବେ କେନ୍ଦ୍ର ସରକାରଙ୍କ ୩ଟି ମନ୍ତ୍ରାଳୟ ଗୃହ, ବୈଦେଶିକ ବ୍ୟାପାର ଓ କ୍ରୀଡ଼ା ମନ୍ତ୍ରାଳୟର ଅନୁମତି ଆବଶ୍ୟକ ପଡ଼େ । ଆଜି ଏହି ୩ଟି ମନ୍ତ୍ରାଳୟରୁ ଆବଶ୍ୟକ ଲିଖିତ ମଂଜୁରୀ ମିଳିଛି । ଆଇପିଏଲ ମ୍ୟାଚଗୁଡ଼ିକ ସାରଜା, ଦୁବାଇ ଓ ଆବୁଧାବିରେ ଖେଳାଯିବ ବୋଲି ସେ କହିଛନ୍ତି ।
ମିଳିଥିବା ସୂଚନା ଅନୁସାରେ ଅଧିକାଂଶ ଆଇପିଏଲ ଦଳ ଅଗଷ୍ଟ ୨୦ ପରେ ଦୁବାଇ ଯାତ୍ରା କରିବେ । ଏହା ପୂର୍ବରୁ ନିଜ ଖେଳାଳି ଓ ଅନ୍ୟ କର୍ମଚାରୀମାନଙ୍କ କରୋନା ପରୀକ୍ଷା କରିବା ବାଧ୍ୟତାମୂଳକ ହେବ । ଚେନ୍ନାଇ ସୁପରକିଙ୍ଗସ ଆସନ୍ତା ୨୨ ତାରିଖରେ ୟୁଏଇ ଅଭିମୁଖେ ଯାତ୍ରା କରିବ ବୋଲି ଜଣାପଡ଼ିଛି ।
ସୂଚନାଯୋଗ୍ୟ ଯେ ଆଇପିଏଲ ଆସନ୍ତା ସେପ୍ଟେମ୍ବର ୧୯ରୁ ୟୁଏଇରେ ଖେଳାଯିବ । ଫାଇନାଲ ନଭେମ୍ବର ୧୦ରେ ଖେଳାଯିବ । ମ୍ୟାଚଗୁଡ଼ିକ ଭାରତୀୟ ସମୟ ସଂଧ୍ୟା ସାଢେ ୭ଟା ବେଳେ ଅନୁଷ୍ଠିତ ହେବ । ଏବର୍ଷ କରୋନା ଭାଇରସ ଯୋଗୁଁ ମାର୍ଚ୍ଚ ଏପ୍ରିଲରେ ଆଇପିଏଲ ଖେଳାଯାଇନଥିଲା ।