ପରାସ୍ତ ହେଲେ ବି ଦିଲ୍ଲୀ କ୍ୟାପିଟାଲ୍ସ ଉପରେ ହେଲା ଟଙ୍କା ବର୍ଷା
ନୂଆଦିଲ୍ଲୀ: ମଙ୍ଗଳବାର ଖେଳାଯାଇଥିବା ଆଇପିଏଲ ଫାଇନାଲରେ ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀ କ୍ୟାପିଟାଲ୍ସକୁ ଅତି ସହଜରେ ୫ ୱିକେଟରେ ହରାଇ ପଞ୍ଚମ ଥର ପାଇଁ ଟ୍ରଫି ବିଜେତା ହୋଇଥିଲା । ଦିଲ୍ଲୀକୁ ୧୫୬ ରନ୍ରେ ରୋକିବା ପରେ ମୁମ୍ବାଇ ୫ ୱିକେଟ୍ ହରାଇ ୮ ବଲ୍ ପୂର୍ବରୁ ବିଜୟ ଲକ୍ଷ୍ୟରେ ପହଞ୍ଚିଯାଇଥିଲା। ଆଉ ଆଇପିଏଲ୍ ବିଜେତା ମୁମ୍ବାଇ ଇଣ୍ଡିୟାନସକୁ ପୁରସ୍କାର ବାବଦକୁ ଟ୍ରଫି ସହ ୨୦ କୋଟି ଟଙ୍କା ମିଳିଥିବାବେଳେ ହାରିଥିବା ଦଳ କ୍ୟାପିଟାଲ୍ସକୁ ସାଢେ ୧୨ କୋଟି ଟଙ୍କା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଥାଉକି, ପୂର୍ବରୁ ଖବର ଆସିଥିଲା ଯେ, କରୋନା ମହାମାରୀ ଯୋଗୁଁ ବିସିସିଆଇ ବିଜେତା ଦଳକୁ ଦେବାକୁ ଥିବା ପୁରସ୍କାର ରାଶିରେ ହ୍ରାସ କରିପାରେ, କିନ୍ତୁ ସେଭଳି କିଛି ହୋଇନାହିଁ | ସେହିପରି ତୃତୀୟ ସ୍ଥାନରେ ଥିବା ହାଇଦ୍ରାବାଦ ଦଳକୁ ୧୦.୫ କୋଟି ଟଙ୍କା ପୁରସ୍କାର ଭାବେ ମିଳିଛି । ସୂଚନା ଥାଉ କି କରୋନା ମହାମାରୀ ହେତୁ ବିସିସିଆଇ ମାର୍ଚ୍ଚ ମାସରେ ଖର୍ଚ୍ଚ କାଟ ଆରମ୍ଭ କରିଥିଲା ଏବଂ ଆଇପିଏଲ ବିଜେତାଙ୍କ ପାଇଁ ଧାର୍ଯ୍ୟ ହୋଇଥିବା ଅର୍ଥ ରାଶି ମଧ୍ୟ କଟାଯିବ ବୋଲି କୁହାଯାଇଥିଲା ।
ତେବେ ବିସିସିଆଇର ପୁରସ୍କାର ରାଶିରେ ହ୍ରାସ କରିନାହିଁ । ସେହିପରି କମଳା କ୍ୟାପ୍ (ସର୍ବାଧିକ ରନ୍) ଏବଂ ବାଇଗଣୀ କ୍ୟାପ୍ (ସର୍ବାଧିକ ୱିକେଟ୍) ପାଇଥିବା ଖେଳାଳିଙ୍କୁ ୧୦ ଲକ୍ଷ ଟଙ୍କା ଲେଖାଏଁ ଦିଆଯାଇଛି |ଆଇପିଏଲ୍ ୨୦୨୦ ରେ କେ.ଏଲ୍ ରାହୁଲ ସର୍ବାଧିକ ୬୭୦ ରନ୍ ସ୍କୋର କରିଥିଲେ। ଏଥି ସହିତ ଦିଲ୍ଲୀର କାଗିସୋ ରାବାଡା ସର୍ବାଧିକ ୩୦ ୱିକେଟ୍ ନେଇଥିଲେ |