ମୁମ୍ୱାଇ: ଚେନ୍ନାଇ ସୁପରକିଙ୍ଗ୍ସ ଷ୍ଟାର ବ୍ୟାଟର ଋତୁରାଜ ଗାଏକ୍ୱାଡ ନିକଟରେ ଜଣେ ମହିଳା କ୍ରିକେଟରଙ୍କୁ ବିବାହ କରିଛନ୍ତି। ଋତୁରାଜଙ୍କ ଏହି ଆକର୍ଷଣୀୟ ବିବାହ ମହାବଳେଶ୍ବର ରିଜର୍ଟରେ ଧୁମଧାମରେ ସମ୍ପର୍ଣ୍ଣ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଗାଏକ୍ୱାଡ ଯାହାକୁ ବିବାହ କରିଛନ୍ତି ତାଙ୍କ ନାମ ଉତ୍କର୍ଷା ପାୱାର । ଋତୁରାଜ ଗାଏକ୍ୱାଡଙ୍କ ଭଳି ଉତ୍କର୍ଷା ମଧ୍ୟ ଜଣେ ଚର୍ଚ୍ଚିତ କ୍ରିକେଟର । ସେ ମହାରାଷ୍ଟ୍ର ମହିଳା କ୍ରିକେଟ ଟିମ ପକ୍ଷରୁ ଏକାଧିକ ମ୍ୟାଚ୍ ଖେଳି ସାରିଛନ୍ତି । ଉତ୍କର୍ଷା ମହାରାଷ୍ଟ୍ର ଅଣ୍ଡର ୧୯ ଟିମ ପାଇଁ ୨୦୧୨-୧୩ ଓ ୨୦୧୭-୧୮ରେ ଖେଳିଥିଲେ ।
ରିପୋର୍ଟ ଅନୁଯାୟୀ,ଗାଏକ୍ୱାଡଙ୍କ ଧର୍ମ ପତ୍ନୀ ଉତ୍କର୍ଷା ଜଣେ ଅଲରାଉଣ୍ଡର ଉତ୍କର୍ଷା ୧୧ ବର୍ଷ ବୟସରୁ କ୍ରିକେଟ୍ ଖେଳୁଛନ୍ତି । ବର୍ତ୍ତମାନ ସେ ମହାରାଷ୍ଟ୍ର ପାଇଁ ଘରୋଇ କ୍ରିକେଟ୍ ଖେଳୁଛନ୍ତି। ନିକଟରେ ଉତ୍କର୍ଷାଙ୍କୁ ମହିଳା ସିନିୟର ଓଡିଆଇ ଟ୍ରଫିରେ ଦେଖିବାକୁ ମିଳିଥିଲା । ଏହା ବ୍ୟତୀତ ଉତ୍କଳ ପୁନେ ଇନଷ୍ଟିଚ୍ୟୁଟ୍ ଅଫ୍ ପୁଷ୍ଟିକର ଏବଂ ଫିଟନେସ୍ ସାଇନ୍ସରେ ସେ ଅଧ୍ୟୟନ କରୁଛନ୍ତି ।
କ୍ରିକେଟ ଖେଳିବା ସମୟରେ ଋତୁରାଜ ଗାଏକ୍ୱାଡଙ୍କ ସହ ତାଙ୍କର ପ୍ରେମ ସମ୍ପର୍କ ଗଢ଼ି ଉଠିଥିଲା । ଏବେ ଉଭୟ ବିବାହ ବନ୍ଧନରେ ବାନ୍ଧି ହୋଇ ବେଶ ଖୁସି ଅଛନ୍ତି । ଗାଏକ୍ୱାଡ ମଧ୍ୟ ମହାରାଷ୍ଟ୍ର କ୍ରିକେଟ ଟିମର ଜଣେ ଖେଳାଳି ରହିଛନ୍ତି ।
ତେବେ ଚେନ୍ନାଇ ଚଳିତ ବର୍ଷ ଆଇପିଏଲ ଟ୍ରଫି ଜିତିବା ପରେ ଗାଏକ୍ୱାଡ ଏକ ଫଟୋ ସୋସିଆଲ ମିଡିଆରେ ପୋଷ୍ଟ କରିଥିଲେ । ଏହି ଫଟୋରେ ଦୁହେଁ ଏକାଠି ଟ୍ରଫି ଧରିଥିବା ଦେଖିବାକୁ ମିଳିଥିଲା। ଯାହାକି ବେଶ ଚର୍ଚ୍ଚାରେ ବି ଥିଲା।