ଭୁବନେଶ୍ବର: ଚଳିତ ଆଇଡବଲ୍ୟୁଏଲ୍‌-୨ରେ ଓଡ଼ିଶାର ଅନ୍ୟତମ ଦଳ ନୀତା ଫୁଟ୍‌ବଲ୍‌ ଏକାଡେମି ଚୂଡ଼ାନ୍ତ ରାଉଣ୍ଡକୁ ଉନ୍ନୀତ ‌ହୋଇଛି। କୋଲକାତାର ଦମ୍‌ଦମ୍‌ସ୍ଥିତ ଅମଲ ଦତ୍ତ କ୍ରୀଡ଼ାଙ୍ଗନରେ ଅନୁଷ୍ଠିତ ମ୍ୟାଚ୍‌ରେ ଶନିବାର ଏହି ଏକାଡେମି ଦଳ ୨-୦ ଗୋଲ୍‌ରେ ଛତିଶଗଡ଼ର ଏମ୍‌ଜିଏମ୍‌ ଅମ୍ବୁଶ କ୍ଲବ୍‌କୁ ପରାସ୍ତ କରିଛି। ଦେବଲିକା ସରକାର ଓ ବବିତା କୁମାରୀ ଗୋଲ ଦ୍ବୟ ସ୍କୋର୍‌ କରିଥିଲେ। ଏଥି ସହିତ ପିପିଲି ମହାନ୍ତଙ୍କ ନେତୃତ୍ବାଧୀନ ନୀତା ଫୁଟ୍‌ବଲ୍‌ ଏକାଡେମି ଦଳ ୨ କ୍ରମାଗତ ବିଜୟ ଓ ଏକ ଅମୀମାଂସିତରୁ ୭ ପଏଣ୍ଟ ଅର୍ଜନ କରି ଗ୍ରୁପ୍‌-ବି ପଏଣ୍ଟ ଟେବୁଲ୍ ଶୀର୍ଷରେ ପହଞ୍ଚିଯାଇଛି। ସୋମବାର ନୀତା ଫୁଟ୍‌ବଲ୍ ଏକାଡେମି ନିଜର ଶେଷ ଲିଗ୍‌ ମ୍ୟାଚ୍‌ରେ ଶ୍ରୀଭୂମିକୁ ଭେଟିବ। ଚୂଡାନ୍ତ ରାଉଣ୍ଡ୍‌କୁ ଯୋଗ୍ୟତା ଅର୍ଜନ କରିଥିବାରୁ ଏକା‌ଡେମିର ଅଧ୍ୟକ୍ଷ ଇଂ ସୁବ୍ରତ ଦାସ, ସମ୍ପାଦକ ଇଂ ଅରୁଣ ପରିଜା, ମୁଖ୍ୟ ପ୍ରଶିକ୍ଷକ ସୁରଜିତ ଘୋଷ, ପ୍ରଶିକ୍ଷକ ପ୍ରତିମା ବିଶ୍ବାସ ଓ ଧନେଶ୍ବର ତିର୍କି ଖେଳାଳିଙ୍କୁ ଅଭିନନ୍ଦନ ଜଣାଇଛନ୍ତି।