ରୋହିତଙ୍କ ବଦଳରେ ଟେଷ୍ଟ ଦଳର ଅଧିନାୟକ ହେବେ ବୁମରା !

ନୂଆଦିଲ୍ଲୀ: ନ୍ୟୁଜିଲ୍ୟାଣ୍ଡଠାରୁ ପରାସ୍ତ ହେବା ପରେ ଭାରତୀୟ ଦଳ ଏବେ ଅଷ୍ଟ୍ରେଲିଆକୁ ଉଡ଼ାଣ କରିଛି। ସେଠାରେ ଭାରତୀୟ ଦଳ ବର୍ଡର-ଗାଭାସ୍କର ଟ୍ରଫି ଖେଳିବ, ଯେଉଁଥିରେ ୫ଟି ଟେଷ୍ଟ ମ୍ୟାଚ୍ ଖେଳାଯିବ | ଏହି ସିରିଜ୍ ପୂର୍ବରୁ ରୋହିତ ଶର୍ମା ଏବଂ ବିରାଟ କୋହଲିଙ୍କ ଫର୍ମକୁ ନେଇ ଅନେକ ପ୍ରଶ୍ନ ଉଠିଛି। ଏହା ମଧ୍ୟ କୁହାଯାଉଛି ଯେ ରୋହିତ ଶର୍ମା ବୋଧହୁଏ ପ୍ରଥମ ଟେଷ୍ଟ ମ୍ୟାଚ୍ ଖେଳିବେ ନାହିଁ | ଯଦି ଏଭଳି ହୁଏ ତେବେ  ଦଳର ଅଧିନାୟକ କିଏ ହେବ ବୋଲି ପ୍ରଶ୍ନ ଉଠିଛି | ଏବେ ଦଳର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏହି ପ୍ରସଙ୍ଗରେ ନୀରବତା ଭାଙ୍ଗିଛନ୍ତି।

ଦଳ ଅଷ୍ଟ୍ରେଲିଆ ଯିବା ପରେ ସାମ୍ବାଦିକ ସମ୍ମିଳନୀରେ ଗୌତମ ଗମ୍ଭୀର ଅନେକ ପ୍ରଶ୍ନର ଉତ୍ତର ଦେଇଥିଲେ। ରୋହିତ ଶର୍ମାଙ୍କ ଅନୁପସ୍ଥିତିରେ କିଏ ଭାରତର ଅଧିନାୟକ ହେବେ ବୋଲି ଗଣମାଧ୍ୟମ ତାଙ୍କୁ ପଚାରିବାରୁ ସେ କହିଥିଲେ, ଯଦି ରୋହିତ ମ୍ୟାଚରେ ଖେଳିବାକୁ ଅସମର୍ଥ ହେବେ ତେବେ ଦଳ ପାଖରେ ଅନେକ ବିକଳ୍ପ ଅଛି | ଚୟନକର୍ତ୍ତାଙ୍କୁ ଚିନ୍ତା କରିବାର କିଛି ଆବଶ୍ୟକ ନାହିଁ। ଅଧିନାୟକ କିଏ ହେବେ ଏହା ଉପରେ ସ୍ପଷ୍ଟୀକରଣ ଦେଇ ସେ କହିଥିଲେ, ବୁମରା ଏବେ ଉପ-ଅଧିନାୟକ ଅଛନ୍ତି |  ଯଦି ରୋହିତ ଉପଲବ୍ଧ ନରହିବେ ତେବେ ବୁମରା ତାଙ୍କ ସ୍ଥାନ ନେବେ |

ବର୍ଡର-ଗାଭାସ୍କର ଟ୍ରଫିରେ ପାଞ୍ଚଟି ମ୍ୟାଚ ଖେଳାଯିବ। ପ୍ରଥମ ମ୍ୟାଚ୍ ୨୨ରୁ ୨୬ନଭେମ୍ବର ପର୍ଯ୍ୟନ୍ତ ପର୍ଥ ଷ୍ଟାଡିୟମରେ ଖେଳାଯିବ | ଦ୍ୱିତୀୟ ମ୍ୟାଚ୍ ଏଡିଲେଡ୍ ଓଭାଲରେ ୬ରୁ ୧୦ଡିସେମ୍ବର ମଧ୍ୟରେ ଖେଳାଯିବ | ତୃତୀୟ ମ୍ୟାଚ୍ ୧୪ରୁ ୧୮ ଡିସେମ୍ବର ପର୍ଯ୍ୟନ୍ତ ଦି ଗାବାଠାରେ ଖେଳାଯିବ | ଚତୁର୍ଥ ଟେଷ୍ଟ ମ୍ୟାଚ୍ ମେଲବର୍ଣ୍ଣ କ୍ରିକେଟ୍ ଗ୍ରାଉଣ୍ଡରେ ୨୬ଡିସେମ୍ବରରୁ ୩୦ଡିସେମ୍ବର ମଧ୍ୟରେ ଖେଳାଯିବ | ଶେଷରେ ସିଡନୀ କ୍ରିକେଟ୍ ଗ୍ରାଉଣ୍ଡରେ ୩ରୁ ୭ଜାନୁଆରି ୨୦୨୫ ପର୍ଯ୍ୟନ୍ତ ପଞ୍ଚମ ଟେଷ୍ଟ ମ୍ୟାଚ୍ ଖେଳାଯିବ |

ଏହି ଟେଷ୍ଟ ମ୍ୟାଚ ପାଇଁ ଟିମରେ ଅଛନ୍ତି ରୋହିତ ଶର୍ମା (ଅଧିନାୟକ), ଜସପ୍ରୀତ ବୁମରା (ଉପ-ଅଧିନାୟକ), ଯଶସ୍ୱୀ ଜୈସୱାଲ, ଅଭିମନ୍ୟୁ ଇଶ୍ୱରନ, ଶୁଭମନ ଗିଲ, ବିରାଟ କୋହଲି, କେ.ଏଲ୍ ରାହୁଲ, ଋଷବ ପନ୍ତ (ୱିକେଟ୍ କିପର), ସରଫରାଜ ଖାନ, ଧ୍ରୁଭ ଜୁରେଲ (ୱିକେଟ୍ କିପର), ଆର.ଅଶ୍ୱିନ, ଆର. ଜାଦେଜା, ମହମ୍ମଦ ସିରାଜ, ଆକାଶ ଦୀପ, ପ୍ରସିଦ୍ଧ କୃଷ୍ଣ, ହର୍ଷିତ ରାଣା, ନୀତୀଶ କୁମାର ରେଡ୍ଡୀ ଏବଂ ୱାଶିଂଟନ୍ ସୁନ୍ଦର। ଏହା ସହ ରିଜର୍ଭରେ ଅଛନ୍ତି ମୁକେଶ କୁମାର, ନବଦୀପ ସାଇନି, ଖଲିଲ ଅହମ୍ମଦ |