କୋଲକାତା: ଆଇପିଏଲ୍ର ତ୍ରୟୋଦଶ ସଂସ୍କରଣ ପାଇଁ ଖେଳାଳି ନିଲାମ ଗୁରୁବାର ଅନୁଷ୍ଠିତ ହୋଇଥିଲା । ସବୁ ଫ୍ରାଞ୍ଚାଇଜ ନିଜ ନିଜ ରଣନୀତି ହିସାବରେ ଖେଳାଳିମାନଙ୍କୁ କିଣିଛନ୍ତି | ନିଲାମ ସମୟରେ ସନରାଇଜର୍ସ ହାଇଦ୍ରାବାଦର ଟେବୁଲରେ ଜଣେ ସୁନ୍ଦରୀ ତରୁଣୀ ବସିଥିବାର ଦେଖିବାକୁ ମିଳିଥିଲା | ଯିଏ କି ନିଜ ଦଳ ପକ୍ଷରୁ ଖେଳାଳିଙ୍କ ଉପରେ ମୂଲ୍ୟ ମୂଲଚାଲ କରୁଥିବାର ଦେଖିବାକୁ ମିଳିଥିଲା | ଏହି ଯୁବତୀଙ୍କୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଥିବାବେଳେ ଇଣ୍ଟରନେଟରେ ଏବେ ସମସ୍ତେ ଖୋଜୁଛନ୍ତି |
Sambad is now on WhatsApp
Join and get latest news updates delivered to you via WhatsApp
ଆଜି ଆମେ ଆପଣଙ୍କୁ କହିବୁ କିଏ ସେହି ସୁନ୍ଦରୀ ଯୁବତୀ, ଯିଏ କି ସନରାଇଜର୍ସ ହାଇଦ୍ରାବାଦ ପାଇଁ ଖେଳାଳି ଚୟନ କରୁଥିଲେ | ତାଙ୍କ ନାମ ହେଉଛି କାବ୍ୟା ମାରନ | କାବ୍ୟା ହେଉଛନ୍ତି ସନରାଇଜର୍ସ ହାଇଦ୍ରାବାଦର ମାଲିକ କଳାନିଧି ମାରନଙ୍କ ଝିଅ | ସେ ସନରାଇଜର୍ସ ହାଇଦ୍ରାବାଦ ମ୍ୟାଚ ସମୟରେ ନିଜ ଟିମକୁ ଚିୟର କରୁଥିବାର ଦେଖିବାକୁ ମିଳିଥାଏ |
କଳାନିଧି ସନ ଟେଲିଭିଜନ ନେଟୱାର୍କର ମାଲିକ ହୋଇଥିବାବେଳେ କାବ୍ୟା ଏବେ ନିଜ ବାପାଙ୍କ ବ୍ୟବସାୟିକ ସାମ୍ରାଜ୍ୟ ସମ୍ଭାଳୁଛନ୍ତି | କାବ୍ୟା ଏମିତି ଜଣେ କ୍ରିକେଟ ଫ୍ୟାନ ଯିଏ କି ପ୍ରତି ମ୍ୟାଚରେ ଷ୍ଟାଡିୟମରେ ଦେଖିବାକୁ ମିଳିଥାନ୍ତି | ଆଇପିଏଲ-୨୦୨୦ ନିଲାମୀ ସମୟରେ ସନରାଇଜର୍ସ ହାଇଦ୍ରାବାଦ କୌଣସି ବଡ ଖେଳାଳିଙ୍କୁ କିଣି ନାହିଁ | ଡେଭିଡ ୱାର୍ନରଙ୍କ ଅଧିନାୟକତ୍ୱରେ ଆଇପିଏଲ ବିଜେତା ହୋଇଥିବା ହାଇଦ୍ରାବାଦ ଟିମ ଏଥର କେନ ବିଲିୟମ୍ସନଙ୍କ ଅଧିନାୟକତ୍ୱରେ ଏଥର ପଡିଆକୁ ଓହ୍ଲାଇବ |