କଟକ: ଓଡ଼ିଶା କ୍ରିକେଟ୍ ଆସୋସିଏସନ୍ ପକ୍ଷରୁ ଆୟୋଜିତ ଅନ୍ତଃଜିଲ୍ଲା କଳାହାଣ୍ଡି୍ କପ୍ କ୍ରିକେଟ ପ୍ରତିଯୋଗିତାର ମଙ୍ଗଳବାର ଦୁଇଟି ମ୍ୟାଚ୍ରେ ବଲାଙ୍ଗୀର ଓ ବୌଦ୍ଧ ବିଜୟୀ ହୋଇଥିବା ବେଳେ ଅନ୍ୟ ୪ ମ୍ୟାଚ୍ ବର୍ଷା ଯୋଗୁ ବାତିଲ ହୋଇଯାଇଛି। ଅଡ଼ଶପୁର ପଡ଼ିଆରେ ସମ୍ବଲପୁର ଓ ନବରଙ୍ଗପୁର ମ୍ୟାଚ୍କୁ ବର୍ଷା ଯୋଗୁଁ ବାତିଲ କରାଯାଇଥିଲା। ଡ୍ରିମ୍ସ ପଡିଆରେ ଅନୁଗୁଳ ଓ ବରଗଡ଼ ମ୍ୟାଚ୍, ସନସାଇନ୍ ପଡ଼ିଆରେ ଦେଓଗଡ଼ ଓ ସୋନପୁର ମ୍ୟାଚ୍, ରେଭେନ୍ସା ପଡ଼ିଆରେ କୋରାପୁଟ ଓ କଳାହାଣ୍ଡି ମ୍ୟାଚ୍ ବାତିଲ ଅଧାରୁ ବାତିଲ କରାଯାଇଥିଲା। ତେବେ ଏମ୍ଜିଏମ୍ ପଡିଆରେ ଅନୁଷ୍ଠିତ ମ୍ୟାଚରେ ବୌଦ୍ଧ ୪ ୱିକେଟ୍ରେ କିଟକୁ ହରାଇଥିଲା।
Sambad is now on WhatsApp
Join and get latest news updates delivered to you via WhatsApp
ଟସ୍ ଜିତି ବ୍ୟାଟିଂ ନେଇଥିବା କିଟ୍ ୨୫.୩ ଓଭରରେ ସମସ୍ତ ୱିକେଟ୍ ହରାଇ ୯୬ ରନ୍ କରିଥିଲା। ଜବାବରେ ବୌଦ୍ଧ ୨୯.୪ ଓଭରରେ ୬ ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରିଥିଲା। ରେଭେନ୍ସା ପଡିଆ-୨ରେ ବଲାଙ୍ଗୀର ଡିଏଲଏସ୍ (ବର୍ଷା/ନିୟମ)ରେ ରାୟଗଡ଼ାକୁ ୬ ୱିକେଟ୍ରେ ପରାସ୍ତ କରିଥିଲା। ଟସ୍ ହାରି ବ୍ୟାଟିଂ ପାଇଥିବା ରାୟଗଡ଼ା ଦଳ ୨୧.୧ ଓଭରର ସମସ୍ତ ୱିକେଟ୍ ହରାଇ ୮୫ ରନ୍ କରିଥିଲା। ଜବାବରେ ବଲାଙ୍ଗୀର ୨୧ ଓଭରରେ ୪ ୱିକେଟ୍ ହରାଇ ୮୨ ରନ୍ କରିଥିଲା। ତେବେ ଡିଏଲଏସ୍ ପ୍ରଣାଳୀରେ ବଲାଙ୍ଗୀରକୁ ବିଜୟୀ ଘୋଷଣା କରାଯାଇଥିଲା। ବଲାଙ୍ଗୀରର ସତ୍ୟଜିତ ସିଂହଦେଓ ଏବଂ ବୌଦ୍ଧର ଶୋଭନଦେବ ବେହେରା ୫ ୱିକେଟ୍ ଲେଖାଏଁ ସଫଳତା ହାସଲ କରିଥିଲେ।