କଳାହାଣ୍ତି କପ୍: ଖୋର୍ଦ୍ଧାଠୁ ହାରିଲା ଭୁବନେଶ୍ବର
ଆର୍ଯ୍ୟ, ଜ୍ୟୋତି, କୁନାଲ, ମୁସ୍ତାକଙ୍କ ଅର୍ଧଶତକ; ସୌମେନ୍ଦ୍ର, ଆଶିଷଙ୍କୁ ୫ ଵିକେଟ
କଟକ: କଳାହାଣ୍ତି କପ୍ର ଦ୍ବିତୀୟ ଦିନରେ ଖୋର୍ଦ୍ଧା, ଅନୁଗୁଳ, କଟକ ବି’, ସୁନ୍ଦରଗଡ଼, ଢେଙ୍କାନାଳ ଓ ଇକୋର୍ସା ବିଜୟୀ ହୋଇଛନ୍ତି। ଏସ୍ସିବି ମେଡିକାଲ୍ ପଡ଼ିଆରେ ଖୋର୍ଦ୍ଧା ୬ ଵିକେଟରେ ଭୁବନେଶ୍ବର ଏ’କୁ ପରାସ୍ତ କରିଛି। ବିଜୟୀ ଦଳର ଆର୍ଯ୍ୟ ଦେବାଶିଷ ଭଟ୍ଟ ୬୫* ରନ୍ର ପାଳି ଖେଳି ଦଳକୁ ଜିତାଇଥିଲେ। ରେଭେନ୍ସାରେ ଖେଳାଯାଇଥିବା ମ୍ୟାଚ୍ରେ ଅନୁଗୁଳ ୭ ଵିକେଟରେ ବୌଦ୍ଧକୁ ହରାଇଛି। ଜ୍ୟୋତି ର˚ଜନ ଦଳାଇ ୬୯ ରନ୍ କରିଥିଲେ। ରେଭେନ୍ସା ୨ ନମ୍ବର ପଡ଼ିଆରେ ଅବିନାଶ ନାୟକଙ୍କ ଅପରାଜିତ ୫୮ ରନ୍ ସହଯୋଗରେ କଟକ ବି’ ୫ ଵିକେଟରେ ଭଦ୍ରକକୁ ଓ ବିଡ଼ାନାସୀ ପଡ଼ିଆରେ ବର୍ଷା ବାଧାପ୍ରାପ୍ତ ମ୍ୟାଚ୍ରେ ସୁନ୍ଦରଗଡ଼ ଡିଏଲ୍ଏସ୍ ପଦ୍ଧତିରେ ନବରଙ୍ଗପୁରକୁ ୯ ଵିକେଟରେ ହରାଇଛି। ସୁନ୍ଦରଗଡ଼ର ଆଶିଷ ତିଵାରି ୫ ଵିକେଟ ଅକ୍ତିଆର କରିଥିଲେ।
Sambad is now on WhatsApp
Join and get latest news updates delivered to you via WhatsApp
ସନସାଇନ୍ ପଡ଼ିଆରେ ମଧ୍ୟ ବର୍ଷା ଯୋଗୁଁ ମ୍ୟାଚ୍ ପ୍ରଭାବିତ ହୋଇଥିଲା। ଡିଏଲ୍ଏସ୍ ପଦ୍ଧତିରେ ଏଠାରେ ଢେଙ୍କାନାଳ ୧୮୧ ରନ୍ରେ ମାଲକାନଗିରିକୁ ମାତ୍ ଦେଇଥିଲା। ବିଜୟୀ ଦଳର କୁନାଲ ମଲ୍ଲିକ ୬୮ ଓ ମୁସ୍ତାକ ବେଗ୍ ୬୪ ରନ୍ ସ˚ଗ୍ରହ କରିଥିଲେ ଏବ˚ ସୌମେନ୍ଦ୍ର ଦାସଙ୍କୁ ୫ ଵିକେଟ ମିଳିଥିଲା।
ଭୁବନେଶ୍ବର ପୂର୍ବତଟ ରେଳବାଇ ଷ୍ଟାଡିୟମରେ ଇକୋର୍ସା ୬ ଵିକେଟରେ ଗଞ୍ଜାମକୁ ପରାସ୍ତ କରିଛି। ଏସବୁ ବାଦ୍ ନିମପୁର ପଡ଼ିଆରେ କଳାହାଣ୍ତି ଓ କେନ୍ଦ୍ରାପଡ଼ା ମଧ୍ୟରେ ଖେଳାଯାଇଥିବା ମ୍ୟାଚ୍ ‘ଟାଇ’ରେ ସମାପ୍ତ ହୋଇଛି। କିଟ୍ ଷ୍ଟାଡିୟମରେ ବାଲେଶ୍ବର ଓ ନୟାଗଡ଼ ଏବ˚ ଡ୍ରିମ୍ସରେ ଦେଓଗଡ଼ ଓ ନୂଆପଡ଼ା ମଧ୍ୟରେ ଖେଳାଯାଇଥିବା ମ୍ୟାଚ୍କୁ ବର୍ଷା ଯୋଗୁଁ ବାତିଲ କରାଯାଇଛି।