ପ୍ରଥମରୁ ଝୁଣ୍ଟିଲା କଳିଙ୍ଗ ଲାନ୍‌ସର୍ସ

ରାଉରକେଲା: ହକି ଇଣ୍ଡିଆ ଲିଗ୍‌ରେ ଘରୋଇ ଦଳ ବେଦାନ୍ତ କଳିଙ୍ଗ ଲାନ୍‌ସର୍ସ ପରାଜୟରୁ ଅଭିଯାନ ଆରମ୍ଭ କରିଛି। ଶକ୍ତିଶାଳୀ ୟୁପି ରୁଦ୍ର‌ାସ୍‌ଠାରୁ ୧-୩ ଗୋଲ୍‌ରେ ପରାସ୍ତ ହୋଇଛି। ମ୍ୟାଚ୍‌ର ପ୍ରଥମ କ୍ବାର୍ଟର୍‌ରେ କଳିଙ୍ଗ ଲାନ୍‌ସର୍ସ ସୁନ୍ଦର ପ୍ରଦର୍ଶନ କରିଥିଲା। ୧୩ତମ ମିନିଟ୍‌ରେ ଦଳର ବିଦେଶୀ ତାରକା ଏନରିକ୍‌ ଗୋଞ୍ଜାଲେଜ୍‌ ଏକ ଚମତ୍କାର ଫିଲ୍‌ଡଗୋଲ ଦେଇ ଦଳକୁ ୧-୦ ଗୋଲରେ ଆଗୁଆ କରିଥିଲେ। ତେବେ ଦ୍ବିତୀୟ କ୍ବାର୍ଟରରେ ୟୁପି ପ୍ରତ୍ୟାବର୍ତ୍ତନ କରିଥିଲା।  ଦ୍ବିତୀୟ କ୍ବାର୍ଟର୍‌ରେ କୌଣସି ‌ଗୋଲ୍‌ ଦେଇ ନଥିଲେ ମଧ୍ୟ ଘରୋଇ ଦଳକୁ ଚାପରେ ରଖିଥିଲା।

 ତୃତୀୟ କ୍ବାର୍ଟରର ଶେଷ ମିନିଟରେ କେନ୍‌ ରସେଲ୍‌ ଗୋଲ୍‌ ଶୁଝି ସ୍ଥିତି ୧-୧ କରି ଦେଇଥିଲେ। ୫୦ତମ ମିନିଟ୍‌ରେ ଓଡ଼ିଆ ତାରକା ସୁଦୀପ ଚିର୍ମାକୋଙ୍କ ଗୋଲ୍‌ରେ ୟୁପି ୨-୧ରେ ଆଗୁଆ ହୋଇଯାଇଥିଲା। ମ୍ୟାଚ୍‌ ଶେ‌ଷ ହେବାକୁ ଆଉ ୮ ସେକେଣ୍ଡ୍‌ ବାକି ଥିବାବେଳେ ୟୁପି ଏକ ପେନାଲ୍‌ଟି କର୍ଣ୍ଣର୍‌ ପାଇଥିଲା। ଏହାକୁ ହାତଛଡ଼ା ନ କରି କେନ୍‌ ରସେଲ୍‌ ଗୋଲ୍‌ରେ ପରିଣତ କରି ଦଳକୁ ୩-୧ ଗୋଲ୍‌ରେ ବିଜୟ ଭେଟି ଦେଇଥିଲେ।