ଭୁବନେଶ୍ବର : ଆସନ୍ତା ଫେବ୍ରୁଆରୀ ୨୨ରୁ ମାର୍ଚ୍ଚ ୧ ତାରିଖ ପର୍ଯ୍ୟନ୍ତ ଓଡ଼ିଶାର ଭୁବନେଶ୍ବର ଓ କଟକରେ ଆୟୋଜନ ହେଉଛି ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ । ଏହାର ପ୍ରଥମ ସିଜନ୍ ପାଇଁ ଇଣ୍ଡିଆନ୍ ଅଏଲ୍ ମୁଖ୍ୟ ପ୍ରାୟୋଜକ ହୋଇଥିବାବେଳେ ଗେଲ୍ ଓ ଓଏନଜିସି ମଧ୍ୟ ଏହାର ସମର୍ଥନ କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ୨୦୨୦ରେ ୧୭ଟି ବିଭାଗ ଯେପରିକି ଆର୍ଚେରୀ, ଆଥ୍ଲେଟିକ୍ସ, ବ୍ୟାଡମିଣ୍ଟନ, ବାସ୍କେଟବଲ, ବକ୍ସିଙ୍ଗ୍, ଫେନ୍ସିଙ୍ଗ୍, ଫୁଟ୍ବଲ, ହକି, ଜୁଡୋ, କବାଡି, ରଗବି, ସନ୍ତରଣ, ଟେବୁଲ ଟେନିସ୍, ଟେନିସ୍, ଭଲିବଲ, ଭାରୋତ୍ତଳନ ଓ କୁସ୍ତି ଆଦି ଖେଳର ଆୟୋଜନ ହେବ । ଏହି ମଲ୍ଟିସ୍ପୋର୍ଟ କାର୍ୟ୍ୟକ୍ରମ ୯ ଦିନ ପାଇଁ ଆୟୋଜିତ ହେବ ଏବଂ ଏଥିରେ ୧୫୯ଟି ୟୁନିଭର୍ସିଟିର ମୋଟ ୩୩୯୯ ଜଣ ଖେଳାଳି ଅଂଶଗ୍ରହଣ କରିବେ ।
ଉଚ୍ଚଶିକ୍ଷା କ୍ଷେତ୍ରରେ କ୍ରୀଡାର ମୂଲ୍ୟ ବୃଦ୍ଧି କରିବା ଏବଂ କେୟୁଆଇଜି ସହ ମାର୍ଗଦର୍ଶନ ଓ ଭିତ୍ତିଭୂମି ବିକାଶ ମାଧ୍ୟମରେ ପ୍ରତିଭାମାନଙ୍କୁ ପ୍ରୋତ୍ସାହିତ କରିବା ନେଇ ରହିଥିବା ଭାରତ ସରକାରଙ୍କ ଗମ୍ଭୀର ଉଦ୍ଦେଶ୍ୟ ପ୍ରତି ପ୍ରମୁଖ କମ୍ପାନୀଗୁଡିକର ପ୍ରୟୋଜକ ଭାବେ ସାମ୍ନାକୁ ଆସିବା ଏକ ବଡ ପ୍ରମାଣ ସଦୃଶ । ସେହିପରି ଭାରତର ପ୍ରମୁଖ କ୍ରୀଡ଼ା ପ୍ରସାରଣକାରୀ ଷ୍ଟାର ସ୍ପୋର୍ଟସ୍, ଖେଲୋ ଇଣ୍ଡିଆ ସହ ସହଭାଗିତା ଜାରି ରଖିବା ସହ ଆସନ୍ତା ଫେବୃଆରୀ ୨୨ ତାରିଖରୁ ମାର୍ଚ୍ଚ ୧ ତାରିଖ ୨୦୨୦ ପର୍ଯ୍ୟନ୍ତ ଓଡିଶାରେ ଆୟୋଜିତ ହେବାକୁ ଥିବା ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସର ପ୍ରସାରଣ କରିବ ।