କଟକ: ଗୁଆହାଟୀରେ ଚାଲିଥିବା ଖେଲୋ ଇଣ୍ଡିଆ ଯୁବ କ୍ରୀଡ଼ାରେ ଓଡ଼ିଶାକୁ ଆଉ ଏକ ପଦକ ମିଳିଛି। ୨୧ ବର୍ଷରୁ କମ୍ ବାଳିକା ୬୦ କିଲୋମିଟର ସାଇକେଲ ଚାଳନାରେ ସ୍ବସ୍ତି ସି˚ହ (୨ ଘଣ୍ଟା ୧୧:୫୨.୨୧ ସେକେଣ୍ଡ) ରୌପ୍ୟ ପଦକ ଜିତିଛନ୍ତି। ଫଳରେ ଓଡ଼ିଶାର ମୋଟ ପଦକ ସ˚ଖ୍ୟା ୪ରେ ପହଞ୍ଚିଛି। ଏହି ଇଭେଣ୍ଟ୍ରେ ଆସାମର ଗଙ୍ଗୋତ୍ରୀ ବର୍ଦୋଲୋଇ (୨ ଘଣ୍ଟା ୧୧:୫୨.୧୬ ସେକେଣ୍ଡ) ସ୍ବର୍ଣ୍ଣ ଓ ଚୟନିକା ଗୋଗୋଇ (୨ ଘଣ୍ଟା ୧୧:୫୨.୩୧ ସେକେଣ୍ଡ) କା˚ସ୍ୟ ପଦକ ଜିତିଛନ୍ତି। ୨୧ ବର୍ଷରୁ କମ୍ ବାଳକ ୧୦୦ କିଲୋମିଟର ସାଇକେଲ ଚାଳନାରେ ରବିବାରର ସ୍ବର୍ଣ୍ଣ ବିଜେତା ଦିନେଶ କୁମାର ୨ ଘଣ୍ଟା ୩୪:୧୬.୬୨୨ ସେକେଣ୍ଡ ନେଇ ସପ୍ତମ ସ୍ଥାନରେ ରହିଥିଲେ। ପ୍ରଥମ ଦୁଇ ଦିନରେ ଜିମ୍ନାଷ୍ଟିକ୍କୁ ଗୋଟିଏ ଲେଖାଏ ସ୍ବର୍ଣ୍ଣ ଓ ରୌପ୍ୟ ପଦକ ମିଳିଥିଲା। ଏହି ସଫଳତା ଲାଗି ସ୍ବସ୍ତିଙ୍କୁ ତାଙ୍କ ପ୍ରଶିକ୍ଷକ ସୁଶୀଲ ଦାସ ଅଭିନନ୍ଦନ ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଜାତୀୟ କାନୋଇ˚ରେ ଓଡ଼ିଶାକୁ ୨ ପଦକ
କଟକ: ଭୋପାଳରେ ଆରମ୍ଭ ହୋଇଥିବା ୩୦ତମ ଜାତୀୟ କାୟାକି˚ ଓ କାନୋଇ˚ ପ୍ରତିଯୋଗିତାର ପ୍ରଥମ ଦିନରେ ଓଡ଼ିଶାକୁ ୨ ପଦକ ମିଳିଛି। ୧୦୦୦ ମିଟର୍ ମହିଳା କେ-୪ ଇଭେଣ୍ଟରେ ଓଡ଼ିଶାର ଓନମ ବିଦ୍ୟାଦେବୀ, ମୀନା ମାଧୁରୀ ଟୋପ୍ପୋ, ଫୁଲମଣୀ ଏକ୍କା,ଏଲିନ୍ ଆଲରିକା ଟପ୍ପୋ ରୌପ୍ୟ ପଦକ ଏବଂ ଆର୍ଷି ଦେବୀ, ସଚିମା କେର୍କେଟା, ନେହା ଦେବୀ, ରଶ୍ମିତା ସାହୁଙ୍କ ଯୋଡ଼ି କା˚ସ୍ୟ ଜିତିଛନ୍ତି। ୧୬ ତାରିଖରେ ପ୍ରତିଯୋଗିତା ଉଦ୍ଯାପିତ ହେବ।