ବ୍ରହ୍ମପୁର : କର୍ଣ୍ଣାଟକର ବେଙ୍ଗାଲୁରୁରେ ଅନୁ‌ଷ୍ଠିତ ଖେଲୋ ଇଣ୍ଡିଆ ମହିଳା ଲିଗ୍ ଭାରୋତ୍ତୋଳନରେ ଓଡ଼ିଶା ପାଇଁ ୬୪ କେଜି ବର୍ଗରେ ପ୍ରତିନିଧିତ୍ବ କରିଥିବା ଟିକି ମୋହିନୀ ମଲ୍ଲିକ ସ୍ବର୍ଣ୍ଣ ପଦକ ଜିତିଛନ୍ତି। ସେ ୬୫ କେଜି ସ୍ନାଚ, ୮୪ କେଜି କ୍ଲିନ୍ ଆଣ୍ଡ ଜର୍କ (ମୋଟ ୧୪୯ କେଜି) ଭାରୋତ୍ତୋଳନ କରି ସ୍ବର୍ଣ୍ଣିମ ସଫଳତା ହାତେଇଛନ୍ତି। ଏହାପୂର୍ବରୁ ଗତ ଶୁକ୍ରବାର ଓଡ଼ିଶାକୁ ତିନିଟି ପଦକ ଏବଂ ଶନିବାର ୨ଟି ପଦକ ମିଳିଥିଲା। ରବିବାର ସଫଳତା ସହ ମୋଟ ପଦକ ସଂଖ୍ୟା ୬ (୪ ସ୍ବର୍ଣ୍ଣ,୧ ରୌପ୍ୟ, ୧ କାଂସ୍ୟ)କୁ ବଢ଼ିଛି।