ହାଇଦ୍ରାବାଦକୁ ହରାଇଥିଲେ ବି ଅସନ୍ତୁଷ୍ଟ ହେଲେ ଲକ୍ଷ୍ନୌ କ୍ୟାପଟେନ କେ.ଏଲ ରାହୁଲ
ନୂଆଦିଲ୍ଲୀ: ଚଳିତ ଆଇପିଏଲ୍ର ଦ୍ବାଦଶ ମ୍ୟାଚ୍ରେ ପୂର୍ବବିଜେତା ସନରାଇଜର୍ସ ହାଇଦ୍ରାବାଦକୁ ନବାଗତ ଲକ୍ଷ୍ନୌ ସୁପରଜ୍ୟାଣ୍ଟ୍ସ ୧୨ ରନ୍ରେ ପରାସ୍ତ କରିଛି। ଦ୍ବିତୀୟ ମ୍ୟାଚ୍ରୁ ହାଇଦ୍ରାବାଦର ଏହା ଦ୍ବିତୀୟ ପରାଜୟ ହୋଇଥିଲା ବେଳେ ଲକ୍ଷ୍ନୌ ତୃତୀୟ ମ୍ୟାଚ୍ରୁ ଦ୍ବିତୀୟ ବିଜୟ ହାସଲ କରିଛି। ଲକ୍ଷ୍ନୌ ସୁପରଜ୍ୟାଣ୍ଟ୍ସ କ୍ରମାଗତ ଦ୍ୱିତୀୟ ମ୍ୟାଚ୍ ଜିତିଥିଲେ ବି ଅଧିନାୟକ କେ.ଏଲ୍ ରାହୁଲ ଗୋଟିଏ କଥାକୁ ନେଇ ଅସନ୍ତୁଷ୍ଟ ଅଛନ୍ତି | ବାସ୍ତବରେ, ଗତକାଲି ମ୍ୟାଚରେ ଲକ୍ଷ୍ନୌ ସୁପରଜ୍ୟାଣ୍ଟ୍ସ ପାଞ୍ଚ ଓଭର ମଧ୍ୟରେ ୨୭ ରନ୍ ସ୍କୋର କରି ତିନୋଟି ୱିକେଟ୍ ହରାଇଥିଲା |
Sambad is now on WhatsApp
Join and get latest news updates delivered to you via WhatsApp
ୱିକେଟ୍ ରକ୍ଷମ କ୍ବିଣ୍ଟନ୍ ଡି’ କକ୍, ଇଭିନ ଲୁଇନ୍ ୧ ରନ୍ ଲେଖାଏଁ କରିଥିଲେ। ମନୀଷ ପାଣ୍ଡେ, ଆୟୂଷ ବଦାନି ୧୯ ଓ କ୍ରୁନାଲ ପାଣ୍ଡ୍ୟା ପୂରା ବିଫଳ ହୋଇଥିଲେ। ମ୍ୟାଚ୍ ପରେ ରାହୁଲ କହିଛନ୍ତି ଯେ ଦଳ ପାଇଁ ଏହା ଭଲ ନୁହେଁ ଏବଂ ଆମକୁ ଏହା ଉପରେ କାମ କରିବାକୁ ପଡିବ। ସେ କହିଛନ୍ତି ଯେ ଆମେ ଯଦିଓ ମ୍ୟାଚ ଜିତିଛୁ କିନ୍ତୁ ପ୍ରାରମ୍ଭରେ ପାୱାରପ୍ଲେରେ ତିନୋଟି ୱିକେଟ୍ ହରାଇବା ଭଲ ନୁହେଁ, ବ୍ୟାଟିଂ ୟୁନିଟ୍ ଭାବରେ, ଆମକୁ ତାହା ଶିଖିବାକୁ ପଡିବ |
ସୂଚନା ଥାଉ କି ଗତକାଲି ମ୍ୟାଚରେ ଲକ୍ଷ୍ନୌ ଘୋର ପ୍ରାରମ୍ଭିକ ବିଫଳତାର ସମ୍ମୁଖୀନ ହୋଇ ୫ ଓଭର ଭିତରେ ତିନି ଜଣ ପ୍ରମୁଖ ବ୍ୟାଟର୍ଙ୍କୁ ହରାଇବା ସତ୍ତ୍ବେ ହାଇଦ୍ରାବାଦ ସମ୍ମୁଖରେ ୧୭୦ ରନ୍ର ବିଜୟ ଲକ୍ଷ୍ୟ ଧାର୍ଯ୍ୟ କରିଥିଲା। ଏହାର ଜବାବରେ ହାଇଦ୍ରାବାଦ ନିର୍ଦ୍ଧାରିତ ୨୦ ଓଭରରେ ୯ ୱିକେଟ୍ ବିନିମୟରେ ୧୫୭ ରନ୍ କରି ଲଗାତାର ପରାଜୟ ବରଣ କରିଥିଲା।