ମୁମ୍ବାଇ: ଆଇପିଏଲ୍ ୨୦୨୨ର ୬୭ତମ ମ୍ୟାଚ୍ ଆଜି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ଖେଳାଯିବ | ଏହି ମ୍ୟାଚ୍ ପୂର୍ବରୁ ପୂର୍ବତନ ଆରସିବି ଅଧିନାୟକ ବିରାଟ କୋହଲି ଗୁଜୁରାଟ ଟାଇଟାନ୍ସର ସ୍ପିନର ରସିଦ ଖାନଙ୍କୁ ଏକ ବ୍ୟାଟ୍ ଉପହାର ଦେଇଛନ୍ତି। ରସିଦ ନିଜେ ନିଜ ଇନଷ୍ଟାଗ୍ରାମ ଆକାଉଣ୍ଟ ମାଧ୍ୟମରେ ଏହି ସୂଚନା ଦେଇଛନ୍ତି। ଆଜିର ମ୍ୟାଚ୍ ଆରସିବି ପାଇଁ ସ୍ୱତନ୍ତ୍ର ହେବାକୁ ଯାଉଛି | କାରଣ ଆଜି ଯଦି ବାଙ୍ଗାଲୋର ମ୍ୟାଚ ଜିତିବ ତେବେ ପ୍ଳେଅଫ ଦୋୖଡରେ ରହିବ | ଆଉ ଯଦି ହାରିଯିବ, ତେବେ ପ୍ଲେ ଅଫ ରେସରୁ ବାହାରିବାର ଦ୍ୱାରଦେଶରେ ପହଂଚିଯିବ |
Sambad is now on WhatsApp
Join and get latest news updates delivered to you via WhatsApp
ମ୍ୟାଚ୍ର ଗୋଟିଏ ଦିନ ପୂର୍ବରୁ ଯେତେବେଳେ ଉଭୟ ଦଳ ଅଭ୍ୟାସ ସମୟରେ ଭେଟିଥିଲେ, ବିରାଟ କୋହଲି ରସିଦ ଖାନଙ୍କୁ ଏହି ଉପହାର ଦେଇଥିଲେ। ଏହି ବିଶେଷ ମୁହୂର୍ତ୍ତର ଭିଡିଓ ନିଜ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରି ରସିଦ ଖାନ କୋହଲିଙ୍କୁ ଧନ୍ୟବାଦ ଦେଇଛନ୍ତି। ଭିଡିଓ ପୋଷ୍ଟ କରି ରସିଦ ଖାନ ଲେଖିଛନ୍ତି, “ବିରାଟ କୋହଲିଙ୍କୁ ଭେଟିବାକୁ ଭଲ ଲାଗେ ଉପହାର ପାଇଁ ଧନ୍ୟବାଦ।” ଗୁଜୁରାଟ ଟାଇଟାନ୍ସ ମଧ୍ୟ ଏହି ଭିଡିଓକୁ ସେମାନଙ୍କ ଅଫିସିଆଲ ଟ୍ୱିଟର ଆକାଉଣ୍ଟରେ ସେୟାର କରିଛନ୍ତି। ଏହି ଭିଡିଓ ସହିତ ସେ ଲେଖିଛନ୍ତି ” ଗୋଟିଏ ଫ୍ରେମରେ ୪୫୦ରୁ ଅଧିକ ଟ୍ୱେଣ୍ଟି-ଟ୍ୱେଣ୍ଟି ୱିକେଟ୍ ଏବଂ ୧୦ ହଜାରରୁ ଅଧିକ ରନ୍” |
ମ୍ୟାଚ ବିଷୟରେ କହିବାକୁ ଗଲେ ଗୁଜୁରାଟ ଟାଇଟାନ୍ସ ପ୍ଲେ ଅଫ୍ ରେ ପହଞ୍ଚିଛି, ତେଣୁ ସେମାନଙ୍କ ପାଇଁ ଏହା ଏକ ଅଭ୍ୟାସ ମ୍ୟାଚ୍ ଭଳି ହେବ | ଉଭୟ ଦଳ ଚଳିତ ବର୍ଷ ୱାଙ୍ଖଡେ ଷ୍ଟାଡିୟମରେ ୩-୩ ମ୍ୟାଚ୍ ଖେଳିଛନ୍ତି ଏବଂ କୌଣସି ଦଳ ଏହି ଗ୍ରାଉଣ୍ଡରେ ଉଭୟ ଦଳକୁ ପରାସ୍ତ କରିବାରେ ସକ୍ଷମ ହୋଇ ନାହାଁନ୍ତି |