ଧୋନୀଙ୍କ ଅବସର ନେଇ କଣ କହିଲେ କୋହଲି ?
ରାଞ୍ଚି: ଧୋନୀଙ୍କ ଅବସର ଖବର ଏବେ ବି ଚର୍ଚ୍ଚାରେ ରହିଛି । ଧୋନୀ ଆଗକୁ ଅନ୍ତର୍ଜାତୀୟ ମ୍ୟାଚ ଖେଳିବେ ନା ଅବସର ନେବେ ଫ୍ୟାନଙ୍କ ପାଇଁ ଏହା ସବୁଠାରୁ ବଡ ପ୍ରଶ୍ନ ପାଲଟିଛି । ଏନେଇ ରାଞ୍ଚି ଟେଷ୍ଟ ଜିତିବା ପରେ ଟିମଇଣ୍ଡିଆ କ୍ୟାପେଟନ୍ ବିରାଟ କୋହଲି ଜବାବ ରଖିଛନ୍ତି । କୋହଲିଙ୍କୁ ସାମ୍ବାଦିକ ପ୍ରଶ୍ନ କରିଥିଲେ ଯେ, ଧୋନୀଙ୍କୁ ନେଇ ବିସିସିଆଇର ନୂଆ ସଭାପତି ସୌରଭ ଗାଙ୍ଗୁଲିଙ୍କ ସହ କୌଣସି ଚର୍ଚ୍ଚା ଆଲୋଚନା ହୋଇଛି କି ନାହିଁ ।
Sambad is now on WhatsApp
Join and get latest news updates delivered to you via WhatsApp
ଏହାର ଉତ୍ତର ରଖିବାକୁ ଯାଇ କୋହଲି କହିଥିଲେ ଏନେଇ ନୂଆ ସଭାପତି ସୌରଭ ଗାଙ୍ଗୁଲିଙ୍କ ସହିତ କିଛି ବି ଆଲୋଚନା ହୋଇନାହିଁ । ଆଗକୁ ଏନେଇ ଆବଶ୍ୟକ ହେଲେ ସେ ତାଙ୍କ ସହିତ ଆଲୋଚନା କରିବେ ବୋଲି କୋହଲି କହିଛନ୍ତି । ଖୁବଶୀଘ୍ର ବାଂଲାଦେଶ ବିପକ୍ଷ ଟି ୨୦ ସିରିଜ ପାଇଁ ଭାରତୀୟ ଦଳ ଘୋଷଣା କରାଯିବ ।
ଅନୁମାନ କରାଯାଉଛି ଏହି ଘୋଷିତ ଭାରତୀୟ ଦଳରେ ଧୋନୀଙ୍କୁ ସ୍ଥାନ ମିଳିବନି । ଆଗରୁ ଗାଙ୍ଗୁଲି ଇସାରା କରିଥିଲେ କି ସେ ୨୩ ତାରିଖରେ ବିସିସିଆଇର ପଦଭାର ଗ୍ରହଣ କରିବା ପରଦିନ ଧୋନୀଙ୍କୁ ନେଇ କଥା ହେବେ । ଏଠାରେ ସୂଚନା ଥାଉ କି ଧୋନୀ ଏବେ ଅନ୍ତର୍ଜାତୀୟ କ୍ରିକେଟରୁ ଦୂରେଇ ରହିଛନ୍ତି । ନ୍ୟୁଜିଲାଣ୍ଡ ବିପକ୍ଷରେ ବିଶ୍ୱକପ୍ ସେମି ଫାଇନାଲ ମ୍ୟାଚ୍ ହାରିବା ପର ଠାରୁ ଧୋନୀ କ୍ରିକେଟରୁ ଦୂରେଇ ରହିଛନ୍ତି ।