ଆଇପିଏଲ-୧୩: ସନରାଇଜର୍ସ ହାଇଦ୍ରାବାଦକୁ ୦୭ ୱିକେଟରେ ପରାସ୍ତ କଲା କୋଲକାତା ନାଇଟ ରାଇଡର୍ସ
ଦୁବାଇ : ଆଜି ଆଇପିଏଲ୍ର ୮ମ ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ୦୭ ୱିକେଟରେ ପରାସ୍ତ କରିଛି କୋଲକାତା ନାଇଟ ରାଇଡର୍ସ । ପ୍ରଥମେ ଫିଲଡିଂ କରିଥିବା କେକେଆର ୧୪୩ ରନ୍ର ଲକ୍ଷ୍ୟକୁ ପିଛା କରି ୧୮ ଓଭରରେ ମାତ୍ର ୩ ୱିକେଟ ହରାଇ ୧୪୫ ରନ୍ ସଂଗ୍ରହ କରି ଅତି ସହଜରେ ଏହି ମ୍ୟାଚକୁ ଜିତି ନେଇଛି ।
Sambad is now on WhatsApp
Join and get latest news updates delivered to you via WhatsApp
କୋଲକାତା ପକ୍ଷରୁ ନୀତିଶ ରାଣା ୧୩ ବଲ ଖେଳି ୨୬ ରନ୍, ଶୁଭମନ ଗିଲ ୬୨ ବଲ ଖେଳି ୭୦ ରନ୍ କରିଥିବା ବେଳେ ଇ ଏନ୍ ମୋର୍ଗାନ୍ ୨୯ ବଲ ଖେଳି ୪୨ ରନ୍ କରିଥିଲେ । ଅନ୍ୟପଟେ ହାଇଦ୍ରାବାଦ ପକ୍ଷରୁ ଖଲିଲ ଅହମ୍ମଦ, ଟି ନଟରାଜନ୍ ଓ ରସିଦ ଖାନ .ଗୋଟିଏ ଲେଖାଏଁ ୱିକେଟ ନେଇଛନ୍ତି । ଏହି ବିଜୟ ସହ କୋଲକାତା ଚଳିତ ଟୁର୍ଣ୍ଣାମେଣ୍ଟରେ ତାର ପ୍ରଥମ ବିଜୟ ହାସଲ କରି ପଏଣ୍ଟ ଖାତାରେ ୨ଅଙ୍କ ସଂଗ୍ରହ କରିଛି । ଅନ୍ୟପଟେ ହାଇଦ୍ରାବାଦ ପୂର୍ବରୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଠାରୁ ପ୍ରଥମ ମ୍ୟାଚ ହାରିଥିବା ବେଳେ ଏହି ମ୍ୟାଚ କଲୋକାତା ଠାରୁ ହାରି ନିଜର ପଏଣ୍ଟ ଖାତା ଖୋଲିପାରିନାହିଁ ।
ପୂବର୍ରୁ ହାଇଦ୍ରାବାଦ ଦଳ ଟସ ଜିଣି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଦଳ ପକ୍ଷରୁ ଅଧିନାୟକ ଡେଭିଡ ୱାର୍ନର ଓ ଜନି ବେୟାରଷ୍ଟୋ ସତର୍କତାର ସହ ଓପନିଂ ଆରମ୍ଭ କରିଥିଲେ । ତେବେ ବେୟାରଷ୍ଟୋ ମାତ୍ର ୫ରନ କରି ଆଉଟ ହେବା ପରେ ୱାର୍ନର ମନିଷ ପାଣ୍ଡେଙ୍କ ମିଶି ଦଳୀୟ ସ୍କୋରକୁ ଆଗେଇନେଇଥିଲେ । ୱାର୍ନର ୩୬ ରନ କରି ଆଉଟ ହୋଇଥିବାବେଳେ ମନିଷ ୫୧ ରନ କରିଥିଲେ । ୱାର୍ନର ଚକ୍ରବର୍ତ୍ତିଙ୍କ ବଲରେ ଆଉଟ ହୋଇଥିବାବେଳେ ମନିଷଙ୍କୁ ରସେଲ ଆଉଟ କରିଥିଲେ । ୪ର୍ଥ ସ୍ଥାନରେ ଆସିଥିବା ରିଦ୍ଧିମାନ ଶାହା ୩୦ ରନ କରି ରନଆଉଟ ହୋଇଥିଲେ । ହାଇଦ୍ରାବାଦ ଦଳ ନିର୍ଦ୍ଧାରିତ ୨୦ ଓଭରରେ ୪ ୱିକେଟ ହରାଇ ୧୪୨ ରନ କରିପାରିଥିଲା ।