କୋଲକାତା, ଏସ୍‌ଏନ୍‌ପିର ବୃହତ୍‌ ବିଜୟ

-ପୂର୍ବ‌ ଜୋନ୍‌ ଅନ୍ତଃ ବିଶ୍ବବିଦ୍ୟାଳୟ ପୁରୁଷ ହକି ଆରମ୍ଭ
-ପ୍ରଥମ ଦିନରେ ୬ ମ୍ୟାଚ୍‌

ରାଉରକେଲା: ପାନପୋଷ କ୍ରୀଡ଼ା ଛାତ୍ରାବାସ ପଡ଼ିଆରେ ପୂର୍ବ‌ ଜୋନ୍‌ ଅନ୍ତଃ ବିଶ୍ବବିଦ୍ୟାଳୟ ପୁରୁଷ ହକି ପ୍ରତିଯୋଗିତା ମଙ୍ଗଳବାରରୁ ଆରମ୍ଭ ହୋଇଯାଇଛି। ପ୍ରଥମ ଦିନରେ ୬ଟି ମ୍ୟାଚ୍‌ ଖେଳାଯାଇଥିଲା। ଆଜି ପ୍ରଥମ ମ୍ୟାଚ୍‌ ମା’ ମାଣିକେଶ୍ବରୀ ବିଶ୍ବବିଦ୍ୟାଳୟ(କଳାହାଣ୍ଡି) ଓ ରେଭେନ୍ସା ବିଶ୍ବବିଦ୍ୟାଳୟ ମଧ୍ୟରେ ଖେଳାଯାଇଥିଲା। ଏହି ମ୍ୟାଚ୍‌କୁ ରେଭେନ୍ସା ୨-୦ ଗୋଲରେ ଜିତିନେଇଛି। ଦଳ ପକ୍ଷରୁ ଅମ୍ରିତ ବିଲୁଙ୍ଗ ୨ଟି ଗୋଲ୍‌(୩୨,୪୭) ଦେଇଥିଲେ। ସେହିଭଳି ରାଞ୍ଚି ବିଶ୍ବବିଦ୍ୟାଳୟ ୨-୧ ଗୋଲ୍‌ରେ ବିନୋବା ଭାବେ ବିଶ୍ବବିଦ୍ୟାଳୟ(ହଜାରିବାଗ) ୨-୧ ଗୋଲ୍‌ରେ ପରାସ୍ତକରିଛି। ରାଞ୍ଚିର କମଳ ଚିକବାରିକ(୧୯) ଓ ଫ୍ଲାବିଅସ୍‌ ତିର୍କି(୧୭) ଗୋଟିଏ ଲେଖାଏ ଗୋଲ୍‌ ଦେଇଥିବାବେଳେ ବିନୋବା ଭାବେ ବିଶ୍ବବିଦ୍ୟାଳୟର ଅନୀଶ କୁମାର(୨୬) ଗୋଟିଏ ଗୋଲ୍‌ ଦେଇଥିଲେ।

କୋଲକାତା ବିଶ୍ବବିଦ୍ୟାଳୟ ୯-୧ ଗୋଲରେ ରାଜେନ୍ଦ୍ର ବିଶ୍ବବିଦ୍ୟାଳୟକୁ ପରାସ୍ତକରିଛି। କୋଲକାତାର ରାହୁଲ ଶର୍ମା(୧୯,୩୨), ସୂରଜ ଦାସ(୭,୧୬) ଓ ଆର୍ଯ୍ୟା ନାସ୍‌କାର(୩୭,୪୧) ଦୁଇଟି ଲେଖାଏ ଗୋଲ୍‌ ଦେଇଥିବାବେଳେ ସୁମିତ ପ୍ରସାଦ(୪୩), ଅରିତ୍ର ଗୁହା(୯) ଓ ସୂରଜିତ ଦାସ(୨୧) ଗୋଟିଏ ଲେଖାଏ ଗୋଲ୍‌ ଦେଇଥିଲେ।

ରାଜେନ୍ଦ୍ର ବିଶ୍ବବିଦ୍ୟାଳୟର ଦୀପକ ଧନୱାର ଏକମାତ୍ର ଗୋଲ୍‌(୨୭) ପରିଶୋଧ କରିବାରେ ସଫଳ ହୋଇଥିଲେ। ପଣ୍ଡିତ ରବି ଶଙ୍କର ଶୁକ୍ଲା ବିଶ୍ବବିଦ୍ୟାଳୟର ପ୍ରେମ୍‌ ରାଓ(୬,୨୮), ରାଜୀପ ମିଞ୍ଜ(୨,୨୯) ଓ ଅନୂଜ ଖାଲଖୋ(୫)ଙ୍କ ଗୋଲ୍‌ ବଳରେ ଦଳ ୫-୦ ଗୋଲରେ ବିଶ୍ବଭାରତୀ ବିଶ୍ବବିଦ୍ୟାଳୟକୁ ପରାସ୍ତକରିଛି। 

ହେମଚନ୍ଦ ଯାଦବ ବିଶ୍ବବିଦ୍ୟାଳୟ(ଛତିଶଗଡ଼) ୩-୦ ଗୋଲରେ ଗଙ୍ଗାଧର ମେହେର ବିଶ୍ବବିଦ୍ୟାଳୟ(ସମ୍ବଲପୁର)କୁ ପରାସ୍ତକରିଛି। ଦଳ ପକ୍ଷରୁ ଅଧିନାୟକ ଆର୍‌ବତ ଅଲୀ(୫), ଲକ୍ଷ୍ମଣ ସାହୁ(୧୯) ଓ ସାରିକ୍‌ ଅହମଦ ଖାନ(୩୫) ଗୋଟିଏ ଲେଖାଏ ଗୋଲ୍‌ ଦେଇଥିଲେ। ଆଜିର ଅନ୍ତିମ ମ୍ୟାଚ୍‌ରେ ସହିଦ ନନ୍ଦକୁମାର ପଟେଲ ବିଶ୍ବବିଦ୍ୟାଳୟ(ରାୟଗଡ଼) ୯-୧ ଗୋଲରେ ବି.ଏନ.ମଣ୍ଡଳ ବିଶ୍ବବିଦ୍ୟାଳୟ(ବିହାର)କୁ ପରାସ୍ତ କରିଛି। ସହିଦ ନନ୍ଦକୁମାର ପଟେଲ ବିଶ୍ବବିଦ୍ୟାଳୟର ଛବିଲାଲ କରିୟାରେ(୧୯,୩୪), ସମ୍‌ ସାରିଭାଜ୍‌(୧୫,୨୮), ଅଙ୍କୁର ଗରକିଆଲ(୭,୨୧) ୨ଟି ଲେଖାଏ ଗୋଲ୍‌ ଦେଇଥିବାବେଳେ ରାଜ କଟୱାର ଗୋଟିଏ ଗୋଲ୍‌ ଦେଇଥିଲେ। ବିହାରର ମହମ୍ମଦ ମୁସ୍ତାକିମ୍‌(୩୬) ଏକମାତ୍ର ଗୋଲ ପରିଶୋଧ କରିବାରେ ସକ୍ଷମ ହୋଇଥି‌ଲେ।