କଟକ: ଚଳିତ ଋତୁରେ ଅନୀଲ ପରିଡ଼ାଙ୍କ ଦ୍ବିତୀୟ ଶତକ ସତ୍ତ୍ବେ ବିଜୟନଗରଠାରେ ଶେଷ ହୋଇଥିବା ୧୯ ବର୍ଷରୁ କମ୍ କୁଚ୍ବେହାର ଟ୍ରଫିରେ ଓଡ଼ିଶା ଘରୋଇ ଦଳଠୁ ପରାସ୍ତ ହୋଇଛି। ତୃତୀୟ ଦିନରେ ୪ ଵିକେଟ୍ ବିନିମୟରେ ୧୮୦ ରନ୍ କରିଥିବା ଓଡ଼ିଶା ଶେଷ ଦିନରେ ଆଉ ୧୪୦ ରନ୍ ଯୋଡ଼ିଥିଲା। ଅନୀଲ ପରିଡ଼ା ୧୪୦, ସ୍ବସ୍ତିକ ସାମଲ ୫୦, ଆୟୁଷ ନାୟକ ୪୪ ଓ ମାନସ ର˚ଜନ ନାୟକ ୨୭ ରନ୍ର ଯୋଗଦାନ କରିଥିଲେ। ଓଡ଼ିଶା ପକ୍ଷରୁ ଧାର୍ଯ୍ୟ ୩୮ ରନ୍ର ବିଜୟ ଲକ୍ଷ୍ୟକୁ ଆନ୍ଧ୍ରପ୍ରଦେଶ ୭.୨ ଓଭରରେ ୧ ଵିକେଟ୍ ବିନିମୟରେ ହାସଲ କରିଥିଲା। ଏଥି ପୂର୍ବରୁ ଓଡ଼ିଶା ପ୍ରଥମ ପାଳିରେ ୧୨୪ ରନ୍ କରଥିଲା ବେଳେ ଆନ୍ଧ୍ର ପାଳି ଅଗ୍ରଣୀ ନେବା ସହ ୪୦୭ ରନ୍ କରିଥିଲା।
Sambad is now on WhatsApp
Join and get latest news updates delivered to you via WhatsApp
ଓଡ଼ିଶା ଦଳରେ ୪ ପରିବର୍ତ୍ତନ
କୁଚବେହାର ଟ୍ରଫିରେ ଓଡ଼ିଶା ପରବର୍ତ୍ତୀ ମ୍ୟାଚରେ ତ୍ରିପୁରାକୁ ଭେଟିବ। ବଲାଙ୍ଗୀରରେ ଆସନ୍ତା ୧୦ ତାରିଖରୁ ଏହି ମ୍ୟାଚ ଖେଳାଯିବ। ଏଥିପାଇଁ ଓଡ଼ିଶା ଦଳରେ ୪ ଖେଳାଳିଙ୍କୁ ବଦଳାଯାଇଛି। ମିତ୍ରଭାନୁ ପଣ୍ତା, ମହମ୍ମଦ ଅରହନ ଅଲ୍ଲୀ, ନିହାର ର˚ଜନ ଭୂୟାଁ ଓ କୁମାର ପରାଗ ସାମନ୍ତରାୟଙ୍କ ସ୍ଥାନରେ ଶୁଭ୍ରା˚ଶୁ ହରିଚନ୍ଦନ, କିଷାନ ନାଏକ, ସୌମ୍ୟ ସୌରଭ କୁମାର ଓ ମିନାଲ ପରିଡ଼ା ଦଳରେ ସ୍ଥାନ ପାଇଛନ୍ତି।