ଅଲ୍ ଇଂଲଣ୍ଡ ବ୍ୟାଡମିଣ୍ଟନ୍ ଚାମ୍ପିଅନ୍ସିପ୍: ୨୧ ବର୍ଷ ପରେ ପ୍ରଥମ ପୁରୁଷ ଖେଳାଳି ଭାବେ ଫାଇନାଲରେ ଲକ୍ଷ୍ୟ ସେନ୍
ବର୍ମିଂହାମ୍: ୨୦ ବର୍ଷୀୟ ଲକ୍ଷ୍ୟ ସେନ୍ ଅଲ ଇଂଲଣ୍ଡ ଓପନ୍ ୨୦୨୨ର ପୁରୁଷ ସିଙ୍ଗଲ୍ସ ସେମିଫାଇନାଲରେ ଲି ଜି ଜିଆଙ୍କୁ ପରାସ୍ତ କରି ୫ମ ଭରତୀୟ ଭାବେ ଫାଇନାଲରେ ପ୍ରବେଶ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତ ୨୧ ବର୍ଷ ମଧ୍ୟରେ ଅଲ ଇଂଲଣ୍ଡ ଓପନରେ କୌଣସି ଭାରତୀୟ ପୁରୁଷ ବ୍ୟାଡମିଣ୍ଟନ୍ ଖେଳାଳି ଫାଇନାଲରେ ପ୍ରବେଶ କରି ନଥିଲେ। ଚଳିତ ଟୁର୍ଣ୍ଣାମେଣ୍ଟରେ ପ୍ରଥମ ଭାରତୀୟ ଭାବେ ଲକ୍ଷ୍ୟ ଏହି ସଫଳତା ହାସଲ କରିଛନ୍ତି। କେବଳ ୩ ଜଣ ଭାରତୀୟ ପ୍ରକାଶ ନାଥ (୧୯୪୭), ପ୍ରକାଶ ପାଦୁକୋନ (୧୯୮୦ ଏବଂ ୧୯୮୧) ଏବଂ ପୁଲେଲା ଗୋପୀଚାନ୍ଦ (୨୦୦୧) ଲକ୍ଷ୍ୟଙ୍କ ପୂର୍ବରୁ ଫାଇନାଲରେ ପ୍ରବେଶ କରିଥିଲେ। ଅତୀତରେ କେବଳ ପାଦୁକୋନ ଏବଂ ଗୋପୀଚାନ୍ଦ ଭାରତ ପାଇଁ ସମ୍ମାନଜନକ ଟାଇଟଲ୍ ଜିତିଛନ୍ତି। ସାଇନା ନେହୱାଲ ୨୦୧୫ରେ ସ୍ପେନର ତାରକା କାରୋଲିନା ମାରିନଙ୍କୁ ହରାଇ ପ୍ରଥମ ମହିଳା ଭାବେ ଅଲ ଇଂଲଣ୍ଡ ଓପନ୍ ଫାଇନାଲରେ ପ୍ରବେଶ କରିଥିଲେ ।
HE DID IT 😍🔥@lakshya_sen becomes the 5️⃣th 🇮🇳 shuttler to reach the FINALS at @YonexAllEngland as he gets past the defending champion WR-7 🇲🇾’s Lee Zii Jia 21-13, 12-21, 21-19, in the enthralling semifinals encounter 💪
Way to go!🔝#AllEngland2022#IndiaontheRise#Badminton pic.twitter.com/KL8VB9j2om
— BAI Media (@BAI_Media) March 19, 2022
ଶନିବାର ଦିନ, ପୁରୁଷ ସିଙ୍ଗଲ୍ସ ସେମିରେ ଡିଫେଣ୍ଡିଂ ଚାମ୍ପିଅନ୍ ଲି ଜି ଜିଆଙ୍କୁ ଲକ୍ଷ୍ୟ ସେନ୍ ୨୧-୧୩, ୧୨-୨୧, ୨୧-୧୯ରେ ପରାସ୍ତ କରି ଫାଇନାଲରେ ପ୍ରବେଶ କରିଛନ୍ତି । ରବିବାର ବର୍ମିଂହାମ୍ରେ ଭାରତୀୟ ଦର୍ଶକଙ୍କ ସମର୍ଥନ ପାଇବା ସହ ୩ୟ ଭାରତୀୟ ଭାବେ ଏହି ସମ୍ମାନଜନକ ଟାଇଟଲ୍ ଜିତିବେ ବୋଲି ସେ ଅଶା ରଖିଛନ୍ତି।