ଭୁବନେଶ୍ବର: ଓଡିଆ ଖେଳାଳି ଲିଲିମା ମିଞ୍ଜ ଜାତୀୟ ମହିଳା ହକି ଦଳରୁ ଅବସର ଘୋଷଣା କରିଛନ୍ତି। ଟୁଇଟ୍ କରି ଲିଲିମା ଅବସର ବାବଦରେ ସୂଚନା ଦେଇଛନ୍ତି । ଟୁଇଟରେ ସେ ଲେଖିଛନ୍ତି ଗତ ଦଶନ୍ଧି ତାଙ୍କ ପାଇଁ ସ୍ୱତନ୍ତ୍ର । ଏହି ସମୟରେ ଭାରତୀୟ ଦଳରେ ସାମିଲ ହୋଇ ଦେଶର ପ୍ରତିନିଧିତ୍ୱ କରିବାର ସୁଯୋଗ ମିଳିଥିଲା ।
Sambad is now on WhatsApp
Join and get latest news updates delivered to you via WhatsApp
ଯେଉଁ ସମୟରେ ମହିଳା ହକି ଦଳ ନୂଆ ଅଧ୍ୟାୟ ଆରମ୍ଭ କରିଥିଲା,ସେହି ସମୟରେ ଦଳର ସାମିଲ ହୋଇଥିବାରୁ ଗୌରବାନ୍ୱିତ ଅନୁଭବ କରୁଥିବା ଟୁଇଟରେ ଲେଖିଛନ୍ତି ଲିଲିମା ମିଞ୍ଜ । ଜାତୀୟ ମହିଳା ଦଳ ଏବେ ପାରିସ ଅଲିମ୍ପିକ୍ସ ପାଇଁ ପ୍ରସ୍ତୁତି ଆରମ୍ଭ କରିଛି । ଏହି ସମୟରେ ଯୁବ ପ୍ରତିଭାବାନ ଖେଳାଳିଙ୍କୁ ସୁଯୋଗ ମିଳିବା ଆବଶ୍ୟକ । ଅବସର ପରେ ଆଗକୁ ଓଡିଶା ହକି ଉନ୍ନତି ପାଇଁ କାମ କରିବେ ବୋଲି ଟୁଇଟରେ ଲେଖିଛନ୍ତି ଲିଲିମା ମିଞ୍ଜ ।
We thank Lilima Minz for her contribution to enriching the rich history that Hockey India possesses. Her contributions over the last decade have been innumerable. Congratulations Lilima on a stellar career! 👏🏻 pic.twitter.com/9oVLktkL4y
— Hockey India (@TheHockeyIndia) January 13, 2022
ମହିଳା ହକିରୁ ଅବସର ନେଇ ଲିଲିମାଙ୍କ ଘୋଷଣା ପରେ ହକି ଇଣ୍ଡିଆ ନିଜର ପ୍ରତିକ୍ରିୟା ଦେଇଛି। ହକି ଇଣ୍ଡିଆ ତରଫରୁ କୁହାଯାଇଛି ଯେ, ଲିଲିମା ମିଞ୍ଜଙ୍କ ଅବଦାନକୁ ଭୁଲିହେବ ନାହିଁ।