ମୁମ୍ବାଇ ଇଣ୍ଡିୟାନସରୁ ବାଦ ପଡିଲେ ମାଲିଙ୍ଗା, ସ୍ଥାନ ପାଇଲେ ଜେମ୍ସ ପେଟିନସନ

ମୁମ୍ବାଇ: ଆଇପିଏଲ୍ ୨୦୨୦ରୁ ଖେଳାଳି ବାଦ ପଡିବା ପ୍ରକ୍ରିୟା ଜାରି ରହିଛି | ଚେନ୍ନାଇ ସୁପର କିଙ୍ଗ୍ସକୁ ସୁରେଶ ରାଇନା ଛାଡିବା ପରେ ବର୍ତ୍ତମାନ ମୁମ୍ବାଇ ଇଣ୍ଡିଆନ୍ସ ବୋଲର ଲସିଥ ମାଲିଙ୍ଗା ମଧ୍ୟ ଏହି ଟୁର୍ନାମେଣ୍ଟରୁ ଓହରି ଯାଇଛନ୍ତି। ବ୍ୟକ୍ତିଗତ କାରଣରୁ ଲସିଥ ମାଲିଙ୍ଗା ଆଇପିଏଲରୁ ତାଙ୍କ ନାମ ପ୍ରତ୍ୟାହାର କରି ନେଇଛନ୍ତି। ଲସିଥ ମାଲିଙ୍ଗା ମୁମ୍ବାଇ ଇଣ୍ଡିଆନ୍ସକୁ କହିଛନ୍ତି ଯେ ବ୍ୟକ୍ତିଗତ କାରଣରୁ ସେ ତାଙ୍କ ପରିବାର ସହିତ ଶ୍ରୀଲଙ୍କାରେ ରହିବାକୁ ଚାହୁଁଛନ୍ତି। ବୁଧବାର, ମୁମ୍ବାଇ ଇଣ୍ଡିଆନ୍ସ ଆଇପିଏଲ୍ ୨୦୨୦ ରୁ ମାଲିଙ୍ଗାଙ୍କର ଅନୁପସ୍ଥିତି ବାବଦରେ ଘୋଷଣା କରିଛି।

ତେବେ ମାଲିଙ୍ଗାଙ୍କ ବଦଳରେ ଫ୍ରାଞ୍ଚାଇଜ ମୁମ୍ବାଇ ଇଣ୍ଡିଆନ୍ସ ଅଷ୍ଟ୍ରେଲିଆର ଦ୍ରୁତ ବୋଲର ଜେମ୍ସ ପାଟିନ୍ସନଙ୍କୁ ଦଳରେ ସୁଯୋଗ ଦେଇଛି। ମୁମ୍ବାଇ ଇଣ୍ଡିଆନ୍ସ ମାଲିକ ଆକାଶ ଅମ୍ବାନୀ କହିଛନ୍ତି, ‘ଜେମ୍ସ ପାଟିନ୍ସନ୍ ଆମ ପାଇଁ ଉପଯୁକ୍ତ ଖେଳାଳି ହେବେ। ସେ ଆମର ଦ୍ରୁତ ବୋଲିଂକୁ ମଜବୁତ କରିବେ | ଲସିଥ ମାଲିଙ୍ଗା ହେଉଛନ୍ତି ମୁମ୍ବାଇ ଇଣ୍ଡିଆନ୍ସର ଶକ୍ତି | ସେ ତାଙ୍କ ପରିବାର ସହିତ ରହିବା ଆବଶ୍ୟକ। ”

ସୂଚନା ଥାଉ କି ଆଇପିଏଲରେ ମାଲିଙ୍ଗା ସର୍ବାଧିକ ୱିକେଟ୍ ନେଇଛନ୍ତି। ଶ୍ରୀଲଙ୍କାର ଭେଟେରାନ ଦ୍ରୁତ ବୋଲର ୨୦୦୯ ରେ ଆଇପିଏଲ୍ ଡେବ୍ୟୁ କରିଥିଲେ। ଆଇପିଏଲରେ ସେ ୧୨୨ ଟି ମ୍ୟାଚରେ ୧୭୦ ୱିକେଟ୍ ନେଇଛନ୍ତି।