ପାଇଲଟ ହେବାର ସ୍ୱପ୍ନ ଦେଖିଥିଲେ, ହେଲେ କ୍ରିକେଟରେ କଲେ କ୍ୟାରିୟର: କ୍ରିକେଟର ମୟଙ୍କ ଅଗ୍ରୱାଲଙ୍କ ବାବଦରେ ଜାଣିଛନ୍ତି କି ଏସବୁ ରୋଚକ କଥା

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗର ୧୬ତମ ସିଜିନରେ ମୟଙ୍କ ଅଗ୍ରୱାଲ ସନରାଇଜର୍ସ ହାଇଦ୍ରାବାଦ ପାଇଁ ଖେଳୁଛି | ଏହା ହେଉଛି ତାଙ୍କର ଚତୁର୍ଥ ଆଇପିଏଲ୍ ଫ୍ରାଞ୍ଚାଇଜ୍ | ଗତ ସିଜିନରେ ପଞ୍ଜାବ କିଙ୍ଗ୍ସର ଅଧିନାୟକ ଥିବା ମୟଙ୍କ ଅଗ୍ରୱାଲ ଏକ ସାକ୍ଷାତକାରରେ ଅନେକ ମଜାଦାର କଥା କହିଛନ୍ତି। ବେଙ୍ଗାଲୁରୁରେ ଜନ୍ମଗ୍ରହଣ କରିଥିବା ମୟଙ୍କ ପିଲାଟିଦିନରୁ ଏୟାରଫୋର୍ସ ପାଇଲଟ ହେବାକୁ ଚାହୁଁଥିଲେ। ପିଲାଦିନରୁ ପାଠପଢ଼ାରେ ତୀକ୍ଷ୍ଣ ଥିବା ମୟଙ୍କଙ୍କର ବିମାନ ଉଡାଇବା ପାଇଁ ଏକ ଭିନ୍ନ ଉତ୍ସାହ ଥିଲା | ମୟଙ୍କ ଅଗ୍ରୱାଲ ଦଶମ ପରୀକ୍ଷାରେ ୮୦% ମାର୍କ ହାସଲ କରିଥିଲେ | ଆଉ କଲେଜରେ ମଧ୍ୟ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିଲେ |

ମୟଙ୍କଙ୍କ କହିବା କଥା ଯେ ତାଙ୍କ ପତ୍ନୀ ତାଙ୍କୁ କ୍ରିକେଟ ପାଇଁ ସବୁବେଳେ ଉତ୍ସାହିତ କରନ୍ତି | ମୟଙ୍କ ଏବଂ ତାଙ୍କ ପ୍ରେମିକାରୁ ପତ୍ନୀ ହୋଇଥିବା ଆଶିତା ପ୍ରାୟ ୭ ବର୍ଷ ପର୍ଯ୍ୟନ୍ତ ସମ୍ପର୍କରେ ଥିବାବେଳେ ୨୦୧୮ରେ ଲଣ୍ଡନରେ ଟେମସ ନଦୀ କୂଳରେ ଆଶିତାଙ୍କୁ ପ୍ରପୋଜ କରିଥିଲେ | ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର, ଦିଲ୍ଲୀ ଡେୟାରଡେଭିଲ୍ସ, କିଙ୍ଗ୍ସ ଇଲେଭେନ ପଞ୍ଜାବ ଏବଂ ବର୍ତ୍ତମାନ ସନରାଇଜର୍ସ ହାଇଦ୍ରାବାଦରେ ଖେଳୁଥିବା ମୟଙ୍କ ଅଗ୍ରୱାଲ ଚଳିତ ସିଜିନରେ ୭ଟି ମ୍ୟାଚ୍ ଖେଳିଛନ୍ତି।