ନୂଆଦିଲ୍ଲୀ : ଭାରତୀୟ ହକି ପାଇଁ ଉଲ୍ଲେଖନୀୟ ଅବଦାନ ଦେଇଥିବା ଓଡ଼ିଆ ଖେଳାଳି ବିରେନ୍ଦ୍ର ଲାକ୍ରାଙ୍କୁ ପତ୍ର ଲେଖି କୃତଜ୍ଞତା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଲାକ୍ରା ଓଡ଼ିଶାର ଗୌରବୋଜ୍ଜଳ ହକି ପରମ୍ପରାକୁ ବଜାୟ ରଖିଛନ୍ତି ବୋଲି ମୋଦୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ନିଜ ପତ୍ରରେ ମୋଦୀ ଲେଖିଛନ୍ତି, “ତୁମେ ଏପରି ସମୟରେ ହକି ଖେଳିବା ଆରମ୍ଭ କରିଥିଲ ଯେତେବେଳେ କେହି ବି କଳ୍ପନା ମଧ୍ୟ କରିପାରୁନଥିଲେ ଯେ ଭାରତ ଅଲିମ୍ପିକ୍ସରେ ପଦକ ଜିତିବ ବୋଲି । ହକିକୁ ଏକ ଗ୍ଲାମର ନଥିବା ଖେଳ ବୋଲି ଲୋକେ ଭାବୁଥିଲେ । କିନ୍ତୁ ଖୁବଶୀଘ୍ର ସ୍ଥିତିରେ ସକାରାତ୍ମକ ପରିବର୍ତ୍ତନ ଆସିଲା ଓ ଏହି ପରିବର୍ତ୍ତନର ଶ୍ରେୟ ତୁମ ପରି ଖେଳାଳିମାନଙ୍କୁ ଯିବ, ଯେଉଁମାନେ ଏହି ଖେଳ ଉପରେ ଭରସା ଜାରି ରଖିଥିଲେ । “
ମୋଦା ଆହୁରି ମଧ୍ୟ ଲେଖିଛନ୍ତି ଯେ ଆହତଗତ କାରଣରୁ ଲାକ୍ରା ରିଓ ଅଲିମ୍ପିକ୍ସରୁ ବାଦ ପଡ଼ିଥିଲେ ବି ପରେ ସୁସ୍ଥ ହୋଇ ଟୋକିଓ ଅଲିମ୍ପିକ୍ସରେ ସାମିଲ ହୋଇ ଇତିହାସ ସୃଷ୍ଟି କରିବାରେ ସହାୟକ ହୋଇଥିଲେ ।
ଟୋକିଓ ଅଲିମ୍ପିକ୍ସ ପୂର୍ବରୁ ମୁଁ ଯେତେବେଳେ ତୁମକୁ ଓ ଅନ୍ୟ ଅଲିମ୍ପିକ୍ସ ଖେଳାଳିମାନଙ୍କୁ ଭେଟିଥିଲି, ସେତେବେଳେ ଅନୁରୋଧ କରିଥିଲି ଯେ ଆଜାଦି କା ଅମୃତ ମହୋତ୍ସବ ଉପଲକ୍ଷେ ଖେଳାଳିମାନେ ଆସନ୍ତା ୨୦୨୩ ଅଗଷ୍ଟ ସୁଦ୍ଧା ବିଭିନ୍ନ ସ୍କୁଲକୁ ଯାଇ ପିଲାମାନଙ୍କୁ ଖେଳ ଓ ପୁଷ୍ଟିହୀନତା ଉପରେ ସଚେତନ କରନ୍ତୁ । ମୁଁ ଆଶା କରୁଛି ଯେ, ତୁମେ ଆଗାମୀ ମାସଗୁଡ଼ିକରେ ଏହି ସଚେତନତା ଜାରି ରଖିବ ।
ପ୍ରଧାନମନ୍ତ୍ରୀଙ୍କ ଏହି ପତ୍ରକୁ ସୋସିଆଲ ମିଡିଆରେ ସେୟାର କରି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଲାକ୍ରାଙ୍କୁ ଅଭିନନ୍ଦନ ଜଣାଇଛନ୍ତି ।