ଲର୍ଡସ : ଆସେସ୍ ଶୃଙ୍ଖଳାର ପ୍ରଥମ ଟେଷ୍ଟ୍ ବେଳେ ଆହତ‌‌ ହୋଇଥିବା ଇଂଲଣ୍ଡ ଅଫସ୍ପିନର୍‌ ମୋଇନ୍ ଅଲୀ ହେଡିଙ୍ଗଲେରେ ‌ଖେଳାଯିବାକୁ ଥିବା ତୃତୀୟ ଟେଷ୍ଟ୍ ବେଳକୁ ଫିଟ୍‌ ହୋଇଯିବା ସମ୍ଭାବନା ରହିଛି। ଏଜବାଷ୍ଟନ୍‌ରେ ଖେଳାଯାଇଥିବା ପ୍ରଥମ ଟେଷ୍ଟ୍‌ରେ ସେ ଆହତ ‌ହେବାରୁ ଲର୍ଡସ ଟେଷ୍ଟ୍‌ ଖେଳିପାରିନଥିଲେ। ‘ମୋଇନଙ୍କ ସମ୍ପର୍କରେ ପରବର୍ତୀ ଦୁଇ ଦିନକୁ ଅପେକ୍ଷା ରହିଛି। ସେ କିନ୍ତୁ ଦଳ ସହିତ ହେଡିଙ୍ଗଲେ ଯିବେ’ ବୋଲି ଇଂଲଣ୍ଡ ଦଳର ବୋଲିଂ ପ୍ରଶିକ୍ଷକ ଜିତନ ପଟେଲ୍‌ ପ୍ରକାଶ କରିଛନ୍ତି। ତାଙ୍କ‌ ବୋଲିଂ ଆଙ୍ଗୁଠି ଦେଖିବା ପରେ ଚୂଡାନ୍ତ ନିଷ୍ପତ୍ତି ନିଆଯିବ। ଏବେ ସେ ହଁ କହୁଛନ୍ତି, ‌ଆମେ ମଧ୍ୟ ତାଙ୍କୁ ଚାହୁଛୁ’ ବୋଲି ପଟେଲ୍ ପ୍ରକାଶ କରିଛନ୍ତି। ସୂଚନାଯୋଗ୍ୟ, ଗୁରୁବାରଠାରୁ ତୃତୀୟ ଟେଷ୍ଟ୍ ଆରମ୍ଭ ହେବ।