ଅହମ୍ମଦାବାଦ: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୩ର ଫାଇନାଲ ମ୍ୟାଚ୍ ଆଜି ଚେନ୍ନାଇ ସୁପର କିଙ୍ଗସ୍ ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ଖେଳାଯିବ | ୪ ଥରର ବିଜେତା ସିଏସ୍କେ ମୋଟେରାରେ ପଞ୍ଚମ ଟ୍ରଫି ହାତେଇବା ଲକ୍ଷ୍ୟରେ ରହିଛି। ଏହି ଟ୍ରଫି ଜିତି ଚେନ୍ନାଇ ଫ୍ରାଞ୍ଚାଇଜ୍ ଧୋନିଙ୍କ ପାଇଁ ବଡ଼ ବିଦାୟୀ ଉପହାର ଦେବାକୁ ଲକ୍ଷ୍ୟ ରଖିଛି। ସେହିପରି ଗୁଜୁରାଟ ମଧ୍ୟ ଦ୍ଵିତୀୟ ବିଜୟ ପାଇବାକୁ ଆଶା ରଖିଛି | ଏହି ସିଜିନରେ ଖେଳାଳିମାନଙ୍କ ସହିତ, ସପୋର୍ଟ ଷ୍ଟାଫ୍ କଠିନ ପରିଶ୍ରମ କରିଛନ୍ତି | ସେହିପରି ଦର୍ଶକ କିଭଳି ଭଲ ଭାବରେ ନିଜ ଟିଭି ଓ ମୋବାଇଲ ସ୍କ୍ରିନରେ ମ୍ୟାଚ ଦେଖିପାରିବେ ସେଥିପାଇଁ ପ୍ରଡକ୍ସନ୍ ଏବଂ ପ୍ରସାରଣ ଟିମ ମଧ୍ୟ କଠିନ ପରିଶ୍ରମ କରିଛନ୍ତି | ଏବେ ଆଇପିଏଲ୍ ଏନେଇ ଏକ ଭିଡିଓ ଟ୍ୱିଟ୍ କରିଛି।
Sambad is now on WhatsApp
Join and get latest news updates delivered to you via WhatsApp
All the action, drama, emotion which is set to get captured by more than 50 different cameras across the stadium 🎥
Mr. Dev Shriyan, Director – Production and Broadcast breaks down the coverage of the Final Showdown for us👌🏻👌🏻#TATAIPL | #CSKvGT | #Final pic.twitter.com/pankEr6VHz
— IndianPremierLeague (@IPL) May 28, 2023
ଏଥିରେ ଷ୍ଟାଡିୟମରେ ସ୍ଥାପିତ କ୍ୟାମେରା ବିଷୟରେ ସୂଚନା ଦିଆଯାଇଛି। ପ୍ରଡକ୍ସନ୍ ଏବଂ ପ୍ରସାରଣ ନିର୍ଦ୍ଦେଶକ ଦେବ ଶ୍ରୀୟାନ କହିଛନ୍ତି ଯେ ଆଇପିଏଲ ମ୍ୟାଚ୍ ପାଇଁ ଷ୍ଟାଡିୟମରେ ପ୍ରାୟ ୫୦ଟି କ୍ୟାମେରା ଲଗାଯାଇଛି । କ୍ୟାମେରା ଏପରି ସ୍ଥାନରେ ଲଗାଯାଇଛି, ଯାହାକୁ ଜଣେ ସାଧାରଣ ଲୋକ କଳ୍ପନା ମଧ୍ୟ କରିପାରିବେ ନାହିଁ | ଅମ୍ପାୟାରଙ୍କ କ୍ୟାପ୍, ଷ୍ଟମ୍ପସ, ଷ୍ଟାଡିୟମ୍ ଛାତ, ବାଉଣ୍ଡ୍ରି ଲାଇନ ନିକଟରେ କ୍ୟାମେରା ଲଗାଯାଇଛି | ଏହି ସିଜିନରେ ୬ଟି ସୁପର ମୋସନ୍ କ୍ୟାମେରା, ୨ଟି ଡ୍ରୋନ୍, ୨ଟି ବଗି କ୍ୟାମେରା ବ୍ୟବହାର କରାଯାଇଥିଲା |
ରିପ୍ଲାଏ ପାଇଁ ବିଭିନ୍ନ କ୍ୟାମେରା ବ୍ୟବହାର କରାଯାଇଛି | ସୂଚନାଯୋଗ୍ୟ, ଚେନ୍ନାଇ ଏବଂ ଗୁଜରାଟ ମଧ୍ୟରେ ଫାଇନାଲ ମ୍ୟାଚ୍ ଖେଳାଯିବ | ଏହାପୂର୍ବରୁ ଚେନ୍ନାଇ ପ୍ରଥମ କ୍ୱାଲିଫାୟାରରେ ଗୁଜୁରାଟକୁ ପରାସ୍ତ କରିଥିଲା। ଏଥି ସହିତ ଗୁଜୁରାଟ ଦ୍ୱିତୀୟ କ୍ୱାଲିଫାୟାରରେ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଥିଲା । ବର୍ତ୍ତମାନ ଗୁଜୁରାଟ ଏବଂ ଚେନ୍ନାଇ ମଧ୍ୟରେ ଏକ କଡ଼ା ପ୍ରତିଯୋଗିତା ଦେଖିବାକୁ ମିଳିବ |