ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି କ୍ରିକେଟରୁ ଦୂରେଇ ଯାଇ ନିଜର ପରିବାର ସହିତ ସମୟ କାଟୁଛନ୍ତି।

Advertisment

ସମୟ ସମୟରେ ଧୋନି ତଥା ତାଙ୍କ ପରିବାରକୁ ନେଇ ସୁନ୍ଦରସୁନ୍ଦର ଭିଡିଓ ସାମ୍ନାକୁ ଆସିଥାଏ। ନିକ‌ଟରେ ଧୋନିଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେଉଛି। ଯାହାକୁ ଦେଖି ତାଙ୍କ ଫ୍ୟାନ୍ସମାନେ ଅସନ୍ତୋଷ ବ୍ୟକ୍ତ କରିଛନ୍ତି।   କାରଣ ଭିଡିଓରେ ଧୋନି ହୁକା ଟାଣୁଥିବା ଦେଖିବାକୁ ମିଳିଛି।

ଭାଇରାଲ୍‌ ହେଉଥିବା ଭିଡିଓ କେତେ ସତ କେତେ ମିଛ ତାହା ଖବର ଲେଖାହେଲା ପର୍ଯ୍ୟନ୍ତ ସ୍ପଷ୍ଟ ହୋଇପାରି ନାହିଁ। ସେହିଭଳି ଭିଡିଓଟି କେଉଁ ଦିନର ଅବା କେଉଁଠାରେ ଉତ୍ତୋଳନ କରାଯାଇଛି, ତାହା  ମଧ୍ୟ ଜଣାପଡ଼ି ନାହିଁ।

ତେବେ ଏହା କୌଣସି ପାର୍ଟି ବେଳର ଭିଡିଓ ଥିବା କୁହାଯାଉଛି । ତେବେ କିଛି ସୋସିଆଲମିଡିଆ ବ୍ୟବହାରକାରୀମାନେ ଭିଡିଓ ଦେଖି ଅନୁମାନ କରିଛନ୍ତି କି ନୂଆ ବର୍ଷ ପାଳନ କରିବାକୁ ଧୋନି ଦୁବାଇ ଯାଇଥିଲେ। ଭିଡିଓଟି ସେହି ସମୟର ହୋଇଥିବ।

ଧୋନିଙ୍କ ଭିଡିଓଟି ଭାଇରାଲ ହେବା ପରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ଜର୍ଜ ବେଲି କହିଛନ୍ତି ଯେ ଧୋନି ଟିକେ ହୁକା ଟାଣିବାକୁ ଭଲ ପାଆନ୍ତି। ବିଶେଷ କରି ଯୁବ ଖେଳାଳିଙ୍କ ସହିତ ମିଶିବା ପାଇଁ ସେ ହୁକା ଟାଣନ୍ତି।’