ନାଲକୋ ଓପନ୍‌ ଫାଇନାଲ୍‌ରେ ଅନମ-ଋତୁପର୍ଣ୍ଣା

ଭୁବନେଶ୍ବର: କଳିଙ୍ଗ ଷ୍ଟାଡିୟମ୍‌ରେ ଚାଲିଥିବା ନାଲ୍‌କୋ ଓପନ୍‌ ଟେନିସ୍ ପ୍ରତିଯୋଗିତାର ମହିଳା ଏକକ ଫାଇନାଲରେ ଦୁଇ ଶୀର୍ଷ ମାନ୍ୟତା ଖେଳାଳି ଅନମ ଅଲମାସ ଏବଂ ଋତୁପର୍ଣ୍ଣା ଚୌଧୁରୀଙ୍କ ମଧ୍ୟରେ ଖେଳାଯିବ। ସେମିଫାଇନାଲରେ ୧ ନମ୍ବର ଅନମ ୬-୦, ୬-୦ରେ ସିମରନ୍‌ ଏକ୍କାଙ୍କୁ ଏବଂ ଦୁଇ ନମ୍ବର ଋତୁପର୍ଣ୍ଣା ୬-୧, ୭-୫ରେ ଦୀକ୍ଷା ରାଉତଙ୍କୁ ପରାସ୍ତ କରିଥିଲେ। ପୁରୁଷ ଏକକ ସେମିଫାଇନାଲରେ ଅଂଶୁ କୁମାର ଭୂୟାଁ-ଆଦିତ୍ୟ ଶତପଥୀ ଏବଂ କେ ସରଣ-ଅମୃତଜୟ ମହାନ୍ତି ଭେଟ ହେବେ। ସେହିଭଳି ପୁରୁଷ ଯୁଗଳ ସେମିଫାଇନାଲକୁ ଅଂଶୁ କୁମାର ଭୂୟାଁ-ଅଜୟ ନିଶଙ୍କ, ଅମୃତଜୟ ମହାନ୍ତି-ଜଷ୍ଟିନ୍‌ ପାନମେଇ, ପ୍ରତ୍ୟୁଷ ମହାନ୍ତି-ଆଦିତ୍ୟ ଶତପଥୀ, ଆଶୁତୋଷ ଦାସ-ସତୀର୍ଥ ପଟ୍ଟନାୟକ ଯୋଡ଼ି ଉନ୍ନୀତ ହୋଇଛନ୍ତି। ୧୨ ବର୍ଷରୁ କମ୍ ବାଳକ ଫାଇନାଲରେ କମଲେଶ ର‌ଥ -ଲଳିତ ଟୁଡୁ, ୧୪ ବର୍ଷରୁ କମ୍‌ ବାଳିକା ଫାଇନାଲରେ ନିମା ସାରା କିସପୋଟା-ସୋହିନି ମହାନ୍ତି, ୧୬ ବର୍ଷରୁ କମ୍‌ ବାଳକ ଫାଇନାଲରେ ଆର୍ଯ୍ୟନ ସ୍ବାମୀ-ରବି ନାରାୟଣ ସାହୁ ମୁହାଁମୁହିଁ ହେବେ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.