ନୂଆଦିଲ୍ଲୀ: ବଦଳିବ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରିସିବି)ର ନାମ। କିଛି ଦିନ ପରେ ଆଇପିଏଲ ଆରମ୍ଭ ହେବାକୁ ଥିବା ବେଳେ ଏଥର ଆରସିବିର ନାମ ବଦଳିବ ବୋଲି ଜଣାପଡ଼ିଛି। ଆରିସିବି ପକ୍ଷରୁ ଏକ ଭିଡିଓ ଜାରି କରାଯାଇ ସଙ୍କେତ ଦିଆଯାଇସାରିଛି। ତେବେ ଦଳର ନୂଆ ନାମ କ’ଣ ରହିବ, ସେ ବିଷୟରେ ମାର୍ଚ୍ଚ ୧୯ରେ ଘୋଷଣା କରାଯିବ ବୋଲି ଭିଡିଓରେ ଦେଖାଯାଇଛି।

Advertisment

ଫ୍ରାଞ୍ଚାଇଜ୍ ଦ୍ୱାରା ସେୟାର କରାଯାଇଥିବା ଭିଡିଓରେ 'କାନ୍ତାରା' ଷ୍ଟାର ଋଷଭ ସେଟ୍ଟୀ ନଜର ଆସିଛନ୍ତି। ଏହି ଭିଡିଓରେ ତିନୋଟି ମଇଁଷି ଥିବା ବେଳେ ସେମାନଙ୍କ ଉପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଲେଖାଯାଇଛି। ଭିଡିଓ ଆରମ୍ଭରୁ ଋଷଭ ଚାଲି ଚାଲି ଆସି ମଇଁଷିଙ୍କ ପାଖରେ ଠିଆ ହେଉଛନ୍ତି। ଏହା ପରେ ବା‌ଙ୍ଗାଲୋର ଲେଖାଥିବା ମଇଁଷିଟି ଚାଲି ଚାଲି ଆଗକୁ ପଳାଉଛି। ଏହା ଦେଖି ଋଷଭ କ୍ୟାମେରାକୁ ଚାହିଁ କହୁଛନ୍ତି, ବୁଝିପାରିଲ। ଏତିକି ଦେଖାଇବା ପରେ ଭିଡିଓଟି ଶେଷ ହେଉଛି। ଶେଷକୁ ଲେଖାଯାଉଛି, ଅଧିକ ଜାଣିବା ପାଇଁ ମାର୍ଚ୍ଚ ୧୯କୁ ଅପେକ୍ଷା କରନ୍ତୁ। ଭିଡିଓ ସେୟାର କରାଯିବା ପରେ ପ୍ରଶଂସକମାନେ ଭିଡିଓକୁ ବହୁତ ପସନ୍ଦ କରୁଥିବା ଦେଖାଯାଇଛି।

ତେବେ ଦଳର ନାମ କ’ଣ ହେବ ତାହା ଆରସିବିର ପ୍ରଶଂସକମାନେ ମାର୍ଚ୍ଚ ୧୯ରେ ଜାଣିପାରିବେ।