ଭୁବନେଶ୍ବର: ମଧ୍ୟପ୍ରଦେଶର ଭୋପାଳଠାରେ ଚାଲିଥିବା ଦ୍ବାଦଶ ବରିଷ୍ଠ ପୁରୁଷ ଜାତୀୟ ହକି ପ୍ରତିଯୋଗିତାର ଶନିବାର ଚତୁର୍ଥ ଦିବସରେ ହକି ହରିୟାଣା ସହ ମ୍ୟାଚ୍‌ ଅମୀମାଂସିତ ରଖି ହକି ଆସୋସିଏସନ୍‌ ଅଫ୍‌ ଓଡ଼ିଶା ପଏଣ୍ଟ ଭାଗ କରିଛି। ପୁଲ୍‌-ଏଚ୍‌’ର ଏହି ମ୍ୟାଚ୍‌ ୪-୪ ଗୋଲ୍‌ରେ ଅମୀମାଂସିତ ରହିଥିଲା। ହରିୟାଣା ପାଇଁ ପଙ୍କଜ (୧ ଓ ୩୩ ମିନିଟ୍‌) ଏବଂ ଦୀପକ (୧୯ ଓ ୫୬ ମିନିଟ୍‌) ଦୁଇଟି ଲେଖାଏଁ ଗୋଲ୍‌ କରିଥିଲା ବେଳେ ଓଡ଼ିଶା ପକ୍ଷରୁ ଅମନଦୀପ ଲାକ୍ରା (୮, ୧୫, ୨୮ ଓ ୫୫ ମିନିଟ୍‌) ଏକାକି ୪ଟିଯାକ ଗୋଲ୍‌ କରିଥିଲେ। ଅମନଦୀପ ମଧ୍ୟ ଏଥିସହିତ ହ୍ୟାଟ୍ରିକ୍‌ ଅର୍ଜନ କରିଥିଲେ। ଏହା ପୂର୍ବରୁ ଓଡ଼ିଶା ତା’ର ପ୍ରଥମ ମ୍ୟାଚ୍‌ରେ ଗୋଆନ ହକିକୁ ୧୦-୦ ଗୋଲ୍‌ରେ ପରାସ୍ତ କରିଥିଲା।