ଭୁବନେଶ୍ୱର: ହରିଆନାର ମହର୍ଷି ଦୟାନନ୍ଦ ବିଶ୍ୱବିଦ୍ୟାଳୟ ଆନୁକୁଲ୍ୟରେ ଆୟୋଜିତ ଜାତୀୟ ଅନ୍ତଃବିଶ୍ୱବିଦ୍ୟାଳୟ କ୍ରିକେଟ୍‌ ପ୍ରତିଯୋଗିତା ଲାଗି ଉତ୍କଳ ଦଳ ସୋମବାର ରୋହତକ ଯାତ୍ରା କରିଛି। ଚଳିତ ମାସ ୮ରୁ ୧୨ ତାରିଖ ପର୍ଯନ୍ତ ଖେଲାଯିବାକୁ ଥିବା ଏହି ପ୍ରତିଯୋଗିତାରେ ଦେଶର ଶ୍ରେଷ୍ଠ ୮ ଦଳ ଭାଗ ନେବେ। ସୂଚନାଯୋଗ୍ୟ ଯେ ଗତ ଡିସେମ୍ବରରେ କିଟ୍‌ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଆୟୋଜିତ ପୂର୍ବ ଭାରତୀୟ ଅନ୍ତଃବିଶ୍ୱବିଦ୍ୟାଳୟ କ୍ରିକେଟ୍‌ ପ୍ରତିଯୋଗିତାରେ ଉତ୍କଳ ବିଜେତା ହୋଇ ଏହି ପ୍ରତିଯୋଗିତା ଲାଗି ଯୋଗ୍ୟତା ଅର୍ଜନ କରିଥିଲା। ଉଦ୍‌ଘାଟନୀ ଦିବସରେ ଉତ୍କଳ ଦଳ ପ୍ରଥମ ମ୍ୟାଚ୍‌ ଖେଳିବ ବୋଲି କ୍ରୀଡ଼ା ପରିଷଦର ନିର୍ଦେଶକ ପ୍ରଫେସର କବୀର ମୋହନ ସେଠୀ ଜଣାଇଛନ୍ତି।
ଉତ୍କଳ ଦଳ: ରାଜେଶ ଧୁପର୍‌, ଅଶିଷ କୁମାର୍‌ ସାହୁ, ପ୍ରଭୁପ୍ରସାଦ ସାମନ୍ତରାୟ, ନିଲୁ ପ୍ରାଧାନ, ବାଦଲ ଭୋଳ, ଦେବାଶିଷ ସାମନ୍ତରାୟ, ସୌଭାଗ୍ୟ ମିଶ୍ର, ପ୍ରତୀକ ଅନୁରାଗ ଦାସ, ପାର୍ଥ ସାରଥୀ ନାୟକ, କାର୍ତିକ ବିଶ୍ୱାଳ, ଦିବ୍ୟଜ୍ୟୋତି ରଥ, ରଣଜିତ ପାଇକରାୟ, ଓମ୍‌କାର ମହାନ୍ତି, ଆଶୁତୋଷ ଦାସ, ଶୁଭମ ନାୟକ, ତାରିଣୀ ପ୍ରସାଦ ଦାସ (ପ୍ରବନ୍ଧକ), ସମ୍ବିତ ରାଉତ (ପ୍ରଶିକ୍ଷକ) ଏବଂ ଓମ୍‌ ବିକଶ ନାୟକ (ସହପ୍ରଶିକ୍ଷକ)।