ରାଉରକେଲା : ଜାତୀୟ କନିଷ୍ଠ ବାଳିକା ହକି ପ୍ରତିଯୋଗିତାରେ ପୁଲ୍‌ ଇ’ ରୁ ମଧ୍ୟପ୍ରଦେଶ, ପୁଲ୍‌ ଏଫ୍‌’ ରୁ ଛତିଶଗଡ଼, ପୁଲ୍‌ ଜି’ ରୁ ମିଜୋରାମ ଓ ପୁଲ୍‌ ଏଚ୍‌’ ରୁ ପଞ୍ଜାବ କ୍ବାର୍ଟର ଫାଇନାଲରେ ପ୍ରବେଶ କରିଛନ୍ତି। ରବିବାର ଖେଳାଯାଇଥିବା ମ୍ୟାଚ୍‌ଗୁଡ଼ିକ ମଧ୍ୟରୁ ମଧ୍ୟପ୍ରଦେଶ ୯-୧ ଗୋଲ୍‌ରେ କର୍ଣ୍ଣାଟକକୁ, ମିଜୋରାମ ୬-୦ ଗୋଲ୍‌ରେ ଚଣ୍ଡିଗଡ଼କୁ, ଉତ୍ତରାଖଣ୍ଡ ୯-୦ ଗୋଲ୍‌ରେ ଗୁଜରାଟକୁ ଓ ଛତିଶଗଡ଼ ୫-୨ ଗୋଲ୍‌ରେ ଉତ୍ତରପ୍ରଦେଶକୁ ପରାସ୍ତ କରିଛନ୍ତି। ପୁଲ୍‌ ସି’ ର ଶୀର୍ଷରେ ଥିବା ଓଡ଼ିଶା ସୋମବାର ଶେଷ ଲିଗ୍‌ ମ୍ୟାଚ୍‌ରେ ତାମିଲନାଡ଼ୁକୁ ଭେଟିବ।