ଡୁଙ୍ଗୁରିପାଲି: ଡୁଙ୍ଗୁରିପାଲି ଭଲିବଲ ସଂଘ ପକ୍ଷରୁ ଗୁରୁବାର ସ୍ଥାନୀୟ ଖେଳପଡ଼ିଆରେ ସର୍ବ ଭାରତୀୟ ଦିବାରାତ୍ର ଭଲିବଲ ପ୍ରତିଯୋଗିତା ଉଦ୍‌ଘାଟିତ ହୋଇଯାଇଛି। ଉଦ୍‌ଘାଟନୀ ଦିବସର ପ୍ରଥମ ମ୍ୟାଚ ଭାଇଜାକ ରେଲେଓ୍ଵ ବନାମ ଇଏପିଲ ରାଉରକେଲା ମଧ୍ୟରେ ହୋଇଥିଲା। ଏଥିରେ ଭାଇଜାକ ଜିତିଥିଲା। ଦ୍ୱିତୀୟ ଖେଳରେ ବୋକାରୋ ସିଆଇଏସଏଫକୁ ବିଲାସପୁର ରେଲେଓ୍ଵ ହରାଇଥିଲା। ସେହିପରି ତୃତୀୟ ଖେଳ ହରିୟାଣା କିଙ୍ଗସ ଓ ଇଏପିଏଲ ମଧ୍ୟରେ ହୋଇଥିଲା। ଏଥିରେ ହରିୟାଣା ଜିତିଥିଲା। ଚତୁର୍ଥ ଖେଳ ଓଡ଼ିଶା ଟିମ୍‌ ଓ ବୋକାରୋ ସିଆଇଏସ୍‌ଏଫ୍‌ ମଧ୍ୟରେ ହୋଇଥିଲା। ଏଥିରେ ଓଡ଼ିଶା ଦଳ ବିଜୟୀ ହୋଇଥିଲା। ରେଫରି ଭାବେ ଜାତୀୟସ୍ତରର ଖେଳାଳି ନିରଞ୍ଜନ ନାୟକ, ଧନଞ୍ଜୟ ତ୍ରିପାଠୀ, ଦୁର୍ଗାମାଧବ ନାୟକ, ଶ୍ରୀକାନ୍ତ ନାୟକ, ହିମାଂଶୁ ଦାଶ ଓ ସଞ୍ଜିବ ନାୟକ ଖେଳ ପରିଚାଳନା କରୁଛନ୍ତି। ଜିଲ୍ଲାପାଳ ଦାଶରଥି ଶତପଥୀ ଏହାକୁ ଉଦ୍‌ଘାଟନ କରିଥିବା ବେଳେ ବ୍ଲକ ଅଧ୍ୟକ୍ଷ ମକରଧ୍ୱଜ ସାହୁ ମୁଖ୍ୟ ଅତିଥି, ପିଡି ବିଶ୍ୱନାଥ ସାହୁ ଓ ବିଡିଓ ରିପୁନାଥ ସୁନା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଆସୋସିଏସନର ସଭାପତି କନ୍ଦର୍ପ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ସଂପାଦକ ଜିତେନ୍ଦ୍ର ବିଶ୍ୱାଳ ବିବରଣୀ ପାଠ କରିଥିଲେ। ଗୋପାଲ ବାରିକ ସଭାକାର୍ଯ୍ୟ ପରିଚାଳନା କରିଥିବା ବେଲେ ବିପ୍ର ଚରଣ ସାହୁ ସ୍ୱାଗତ କରିଥିଲେ। ଦ୍ୱିତୀୟ ଖେଳରେ ବଣିକ ସଂଘର ସଭାପତି ପ୍ରଦୀପ ମିଶ୍ର ମୁଖ୍ୟ ଅତିଥି, ଉପ-ସଭାପତି ସୀତାରାମ ମେହେର ଓ ସଂପାଦକ ମଣିଲାଲ ଶର୍ମା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।