ଅଷ୍ଟ୍ରେଲିଆର ଏହି ଖେଳାଳିମାନେ ଆଇପିଏଲରେ ମାରିନାହାନ୍ତି ଗୋଟିଏ ବି ଛକା

ନୂଆଦିଲ୍ଲୀ: ଆଇପିଏଲ୍ ଦୁନିଆର ସବୁଠାରୁ ଲୋକପ୍ରିୟ ଏବଂ ରୋମାଞ୍ଚକର ଟୁର୍ନାମେଣ୍ଟ ଭାବରେ ବିବେଚନା କରାଯାଏ | ଆଇପିଏଲର ଅଧିକାଂଶ ମ୍ୟାଚ୍‌ରେ ଚୌକା ଓ ଛକା ବର୍ଷା ହେଉଥିବାର ଦେଖାଯାଏ, ଯାହାକୁ ଦର୍ଶକ ବହୁତ ପସନ୍ଦ କରନ୍ତି | କିନ୍ତୁ ଆପଣ ଜାଣନ୍ତି କି ଅଷ୍ଟ୍ରେଲିଆର କିଛି କିମ୍ବଦନ୍ତୀ କ୍ରିକେଟର ଅଛନ୍ତି ଯେଉଁମାନେ ଆଇପିଏଲରେ ଗୋଟିଏ ବି ଛକା ମାରିପାରିନାହାନ୍ତି । ଆଜି ଆମେ ଆପଣଙ୍କୁ ଏହିପରି ତିନିଜଣ କ୍ରିକେଟରଙ୍କ ବିଷୟରେ କହିବୁ, ଯେଉଁମାନେ ଆଇପିଏଲ ଇତିହାସରେ ଗୋଟିଏ ବି ଛକା ମାରିପାରିନାହାନ୍ତି |

ଅଷ୍ଟ୍ରେଲିଆର ପୂର୍ବତନ ଅଧିନାୟକ ମାଇକେଲ କ୍ଲାର୍କ ନିଜର ଚମତ୍କାର ବ୍ୟାଟିଂ ଏବଂ ଲମ୍ବା ଛକା ପାଇଁ ବେଶ ଜଣାଶୁଣା | ଆଶ୍ଚର୍ଯ୍ୟର କଥା, ଆଇପିଏଲରେ କିନ୍ତୁ ସିଏ ଗୋଟିଏ ବି ଛକା ମାରିପାରିନଥିଲେ | ଆଇପିଏଲ୍ ୨୦୧୨ ରେ, କ୍ଲାର୍କ ପୁଣେ ୱାରିୟର୍ସ ପାଇଁ ୬ଟି ମ୍ୟାଚ୍ ଖେଳିଥିଲେ, ଯେଉଁଥିରେ ସେ ମାତ୍ର ୯୮ ରନ୍ ସ୍କୋର କରିପାରିଥିଲେ | ସେ ଟୁର୍ନାମେଣ୍ଟରେ ମୋଟ ୯୪ ଟି ବଲ ଖେଳିଥିଲେ ମଧ୍ୟ ଗୋଟିଏ ବି ଛକା ମାରିପାରିନଥିଲେ |

photo-the economic times

ଅଷ୍ଟ୍ରେଲିଆର କ୍ରିକେଟର ମାଇକେଲ୍ କ୍ଲିଙ୍ଗରଙ୍କ ନାମରେ ଅନେକ ରେକର୍ଡ ଥିଲେ ବି ସେ ଆଇପିଏଲରେ ଗୋଟିଏ ବି ଛକା ମାରିପାରିନଥିଲେ | ଆଇପିଏଲ୍ ୨୦୧୧ରେ ସେ କୋଚି ଟସ୍କର୍ କେରଳ ପାଇଁ ୪ଟି ମ୍ୟାଚ୍ ଖେଳିଥିଲେ | ଏହି ସିଜିନରେ କ୍ଲିଙ୍ଗର ୭୭ ଟି ବଲ୍ ଖେଳିଥିଲେ ଏବଂ ସେ ମାତ୍ର ୭୩ ରନ୍ ସ୍କୋର କରିବାରେ ସକ୍ଷମ ହୋଇଥିଲେ।

ଅଷ୍ଟ୍ରେଲୀୟ କ୍ରିକେଟର କେଲୁମ୍ ଫର୍ଗୁସନ୍ ୨୦୧୧ ଏବଂ ୨୦୧୨ରେ ଆଇପିଏଲ୍ ଖେଳିଥିଲେ | କେଲୁମ୍ ଫର୍ଗୁସନ୍ ଆଇପିଏଲରେ ମୋଟ ୯ଟି ମ୍ୟାଚ୍ ଖେଳିଥିଲେ | ଏଥିରେ ସେ ୧୧୭ ବଲରେ ମାତ୍ର ୯୮ ରନ୍ ସ୍କୋର କରିଥିଲେ ବି ଗୋଟିଏ ବି ଛକା ମାରିପାରିନଥିଲେ।