ଭୁବନେଶ୍ବର: ଚଳିତ ଆଇଏସଏଲ୍‌ ଋତୁରେ ଚମତ୍କାର ପ୍ରଦର୍ଶନ କରି ପ୍ରଥମ ୪ ମ୍ୟାଚ୍‌ରୁ ୩ ଜିତିଥିବା ଓଡ଼ିଶା ଏଫସି ଦଳର କିଟ୍ ଏବେ ଅଫଲାଇନ୍‌ରେ ଉପଲବ୍‌ଧ ହୋଇଛି। ୨୦୨୨-୨୩ ଋତୁର ଅଭିଯାନ ଆରମ୍ଭ କରିବା ପୂର୍ବରୁ ଓଡିଶା ଏଫ୍ସି ଏହାର ତିନୋଟି ନୂତନ କିଟ୍ ଘୋଷଣା କରିଥିଲା। ଏବେ କଳିଙ୍ଗ ଷ୍ଟାଡିୟମ୍ ନିକଟସ୍ଥ ବର୍ମା ସ୍ପୋର୍ଟ୍ସ ଷ୍ଟୋର୍‌ରେ ଏହା ଅଫ୍‌ଲାଇନ୍‌ରେ ଉପଲବ୍ଧ ହୋଇଛି। ପ୍ରଥମଟିରେ ହୋମ୍ କିଟ୍, ବାଇଗଣୀ ଟ୍ରିମ୍ ସହ ଏକ କଳା ଜର୍ସି ଥିବାବେଳେ ଦ୍ୱିତୀୟ କିଟ୍‌ ଅଲିଭ୍ ରିଡଲେ କଇଁଛ ଦ୍ୱାରା ଅନୁପ୍ରାଣିତ। ତୃତୀୟ କିଟ୍‌ ଭୁବନେଶ୍ୱର ରାସ୍ତା ଘାଟରେ ଥିବା ମୂର୍ତିଗୁଡ଼ିକୁ ପ୍ରତିଫଳିତ କରିଛି। ସୂଚନାଯୋଗ୍ୟ କଳିଙ୍ଗ ଷ୍ଟାଡିୟମ୍‌ରେ ନିଜର ଉଭୟ ଘରୋଇ ମ୍ୟାଚ୍‌ ଜିତିଥିବା ଏହି ଭୁବନେଶ୍ବର ଭିତ୍ତିକ ଦଳ ପରବର୍ତୀ ମ୍ୟାଚ୍‌ ନଭେମ୍ବର ୫ ତାରିଖରେ ହାଇଦ୍ରାବାଦରେ ହାଇଦ୍ରାବାଦ ଏଫସି ସହ ଖେଳିବ।