ଜାତୀୟ ମୁଏଥାଇରେ ଓଡିଶାକୁ ୬ ସ୍ବର୍ଣ୍ଣ ସହ ୩୧ ପଦକ
ଭୁବନେଶ୍ବର: ମଧ୍ୟପ୍ରଦେଶର ଦେବାସସ୍ଥିତ ଶ୍ରୀମନ୍ତ ଟୁକୋଜି ରାଓ ପାୱାର ଇନ୍ଡୋର ଷ୍ଟାଡିୟମ୍ରେ ଗତ ୧୬ରୁ ୨୨ ତାରିଖ ପର୍ଯ୍ୟନ୍ତ ଆୟୋଜିତ ହୋଇଥିବା ୟୁଏମ୍ଏଆଇ ଜାତୀୟ ମୁଏଥାଇ ପ୍ରତିଯୋଗିତାରେ ଓଡ଼ିଶାକୁ ୬ ସ୍ବର୍ଣ୍ଣ, ୯ ରୌପ୍ୟ, ୧୨ କାଂସ୍ୟ ସହ ମୋଟ ୩୧ ପଦକ ଜିତିଛି। ଏଥିରେ ପ୍ରଶିକ୍ଷକ ଦୁଷ୍ମନ୍ତ କୁମାର ନାଥ, ସୁରଜ ପୁଜାହାରୀ, ଜିତେନ୍ଦ୍ର କୁମାର ପ୍ରଧାନ, ନୁରସିଂ ସୁନା, ଉମେଶ ନାୟକଙ୍କ ନେତୃତ୍ୱରେ ୫୮ ଜଣିଆ ଓଡ଼ିଶା ଦଳ (୪୮ ମୁଏଥାଇ ଖେଳାଳି ଓ ୧୦ ଅଧିକାରୀ) ବିଭିନ୍ନ ବୟସ-ଏବଂ ଓଜନ ବର୍ଗରେ ଅଂଶଗ୍ରହଣ କରିଥିଲେ। ଶୃଙ୍ଖଳାପୂର୍ବକ ପ୍ରଦର୍ଶନ ପାଇଁ ‘ୟୁନାଇଟେଡ଼ ମୁଏଥାଇ ଆସୋସିଏସନ-ଇଣ୍ଡିଆ’ ପକ୍ଷରୁ ଓଡିଶା ଦଳକୁ ସ୍ୱତନ୍ତ୍ର ରୂପେ ସମ୍ମାନିତ କରାଯାଇଥିଲା। ତତ୍ସହିତ ଓଡିଶାରୁ ଜାତୀୟ ରେଫରୀ ଭାବେ ଚନ୍ଦ୍ର ଶେଖର ବହୁକା ଏବଂ ସଞ୍ଜୟ କୁମାର କିସାନଙ୍କୁ ମଧ୍ୟ ସମ୍ମାନିତ କରାଯାଇଥିଲା। ଏହି ସଫଳତା ପାଇଁ ଓଡିଶା ମୁଏଥାଇ ୟୁନିଅନର ରାଜ୍ୟ ଅଧ୍ୟକ୍ଷ ରବି ନାରାୟଣ ପଣ୍ଡା, ରାଜ୍ୟ ସାଧାରଣ ସମ୍ପାଦକ ଜ୍ଞାନ ରଞ୍ଜନ ମହାନ୍ତି, ରାଜ୍ୟ ଯୁଗ୍ମ ସମ୍ପାଦକ ଡା. ଶୁଭ୍ରାଂଶୁ ଶେଖର ମହାପାତ୍ର, ଆୟୋଜକ ସମିତି ସମ୍ପାଦକ ରାଜେନ୍ଦ୍ର ପ୍ରସାଦ ଭୋଇ, ସୁଧୀର ବାରିକ, ରୂପେଶ ଅଧିକାରୀ ପ୍ରମୁଖ ଓଡ଼ିଶା ଖେଳାଳିଙ୍କୁ ଅଭିନନ୍ଦନ ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସ୍ବର୍ଣ୍ଣ ବିଜେତା: ଶ୍ରୀୟାଶ୍ରୀ ପ୍ରଧାନ, ଅଙ୍କିତା ମହାପାତ୍ର, ସାୟନ ମିଶ୍ର, ସାଗର ଦେହୁରୀ, ସୌରଭ ଓମ୍ ପ୍ରକାଶ, ପ୍ରତୀକକୁମାର ମହାପାତ୍ର। ରୌପ୍ୟ ବିଜେତା : ହେମନ୍ତ ନାଏକ, ଚନ୍ଦନ ଭୂମିଜ, ସୁଶ୍ରୀ ସମୀକ୍ଷା ସାହୁ, ସ୍ୱାଧୀନ କୁମାର ସାହୁ, ରୁଦ୍ର ଜେଠୱା, ମନୋଜ କୁମାର ନାଏକ, ଶ୍ରୀୟନସ ପଣ୍ଡା, ଶାଶ୍ୱତ ଡାଙ୍ଗ, ଏମ.ଡି. ସର୍ଫରଜ ଖାଁ। କାଂସ୍ୟ ବିଜେତା: ତ୍ରିଲୋଚନ ବେହେରା, ରଞ୍ଜନ କିଷାନ, ଅଭିନବ ବେହେରା, ଈଶ୍ୱର ଚନ୍ଦ୍ର ନାଏକ, ହୃଷିକେଶ କିଷାନ, ଅସ୍ମିତା କିଷାନ, ପ୍ରିୟାଂଶୁ ପ୍ରିୟରଞ୍ଜନ ପ୍ରଧାନ, ବିବେକ କୁମାର ନାଏକ, ପ୍ରିତମ କୁମାର ସାହୁ, ନୀଳାଦ୍ରି ଚନ୍ଦ୍ର ପାତ୍ର, ନିମାଇଁ ମହାକୁର, ଦେବାଶିଷ ମହାନ୍ତି, ଉମେଶ କୁମାର ପ୍ରଧାନ, ଅଭିଷେକ ପାରୁଆ ଯାଦବ, ଅନୁପ ସୁନା ଓ ସୁମିତ କୁମାର ମହାନନ୍ଦ।