ଓଡ଼ିଶା ପୁରୁଷ ହକି ବିଶ୍ୱକପ୍: ପାକିସ୍ତାନକୁ ୫-୦ରେ ହରାଇ କ୍ୱାର୍ଟର ଫାଇନାଲରେ ବେଲଜିୟମ୍, ୧୩ରେ ଜର୍ମାନୀ ସହ ମୁକାବିଲା
ଭୁବନେଶ୍ୱର: କଳିଙ୍ଗ ଷ୍ଟାଡିୟମ୍ରେ ଜାରି ଥିବା ଓଡ଼ିଶା ପୁରୁଷ ହକି ବିଶ୍ୱକପ୍ର ୨୭ତମ ମ୍ୟାଚରେ ମଙ୍ଗଳବାର ବେଲଜିୟମ୍ ୫-୦ ଗୋଲ୍ରେ ପାକିସ୍ତାନକୁ ପରାସ୍ତ କରିଛି। ବେଲଜିୟମ୍ ଡିସେମ୍ବର ୧୩ରେ ଜର୍ମାନୀକୁ ଭେଟିବ।
Sambad is now on WhatsApp
Join and get latest news updates delivered to you via WhatsApp
ଚତୁର୍ଦ୍ଦଶ ହକି ବିଶ୍ୱକପ୍ର କ୍ରସ ଓଭର ମ୍ୟାଚରେ ବେଲଜିୟମ୍ର ଖେଳାଳିମାନେ ଆରମ୍ଭରୁ ପାକିସ୍ତାନ ଉପରେ ଆକ୍ରମଣାତ୍ମକ ଭାବରେ ଖେଳିଥିଲେ। ବେଲଜିୟମ ପ୍ରଥମ କ୍ୱାର୍ଟରରେ ୨ଟି ଗୋଲ ଦେଇଥିବା ବେଳେ ୨ୟ କ୍ୱାର୍ଟରେ ଗୋଟିଏ ଗୋଲ ଦେଇ ମଧ୍ୟାନ୍ତର ବେଳକୁ ପାକିସ୍ତାନ ବିପକ୍ଷରେ ୩-୦ ଗୋଲରେ ଅଗ୍ରଣୀ ଥିଲା। ପାକିସ୍ତାନ ବିପକ୍ଷରେ ବେଲଜିୟମ୍ କ୍ୱାର୍ଟର-୩ରେ ଗୋଟିଏ ଗୋଲ ଦେଇଥିଲା। ଶେଷରେ ପାକିସ୍ତାନକୁ ବେଲଜିୟମ୍ ୫-୦ ଗୋଲରେ ପରାସ୍ତ କରି କ୍ୱାର୍ଟର ଫାଇନାଲରେ ପହଞ୍ଚିଛି।
? | LIVE | GAME-OVER! @BELRedLions are through to the quarters…and it is the end of the World Cup campaign for @PHFOfficial.
SCORE: 5-0#HWC2018 #Odisha2018
?? #BELvPAK ?? pic.twitter.com/LUcbKPkvkp— Hockey World Cup 2018 – Host Partner (@sports_odisha) December 11, 2018
ଆଜି ରାତି ୭ଟାରେ ଚଳିତ ବିଶ୍ୱକପ୍ର ୨୮ତମ ମ୍ୟାଚ୍ରେ କାନାଡାକୁ ନେଦରଲାଣ୍ଡସ୍ ଭେଟିବ। ଏହି ମ୍ୟାଚର ବିଜେତା ଡିସେମ୍ବର ୧୩ରେ ଭାରତକୁ ମୁକାବିଲା କରିବ।
? | CROSS-OVERS | Starting XI for @oranjehockey and @FieldHockeyCan ahead of this decisive game! #HWC2018 #Odisha2018
?? #NEDvCAN ?? pic.twitter.com/a8O8kwMM7T— Hockey World Cup 2018 – Host Partner (@sports_odisha) December 11, 2018
ବିଶ୍ୱକପ୍ର ୧୪ତମ ସଂସ୍କରଣ ଆଉ ୫ ଦିନ ପରେ ଶେଷ ହେବ। ଓଡ଼ିଶାରେ ଅଥବା କଳିଙ୍ଗ ହକି ଗ୍ରାଉଣ୍ଡରେ ପୁଣି ଥରେ କେବେ ବିଶ୍ୱକପ୍ର ଆୟୋଜନ ହେବ ତାହା ଏବେ ଠାରୁ କେହି କହି ହେବ ନାହିଁ। ଯେହେତୁ ଏବେ ହକି ବିଶ୍ୱକପ୍ ଚାଲିଛି, ଏହାକୁ ଦେଖିବାର ସୁଯୋଗ ହାତ ଛଡ଼ା କରି ନାହାନ୍ତି ଭୁବନେଶ୍ୱର ତଥା ଓଡ଼ିଶାର ହକିପ୍ରେମୀ। ଆସନ୍ତା ରବିବାର ଫାଇନାଲ ମ୍ୟାଚ ପାଇଁ ଟିକେଟ ମିଳିବା କଷ୍ଟ ହୋଇଯାଇଛି। କଳିଙ୍ଗ ହକି ଗ୍ରାଉଣ୍ଡରେ ଦର୍ଶକଙ୍କ ପ୍ରବଳ ଭିଡ଼ ପରିଲକ୍ଷିତ ହୋଇଛି।